2 Vimyene 17:15 - Livulu lya Shukulu Kalunga

¹⁵ Kuvononokele mashiko endi, kuvanyungile cikumiiyo cije calikumiiye na vakukulwila vavo, nakwononoka kunangula kwendi. Vapwile vanu vakujeneka seo omwo valemesele tumponya twakujeneka seo, nakukavangeya futisi ya miyati ije yavazengelekele, ije yatumbwile Shukulu Kalunga ngwendi kesi vakavatembunwine.

2 Vimyene 17:15 Iomraidhean Croise

1 Vimyene 11:11

Ngecivene, Shukulu Kalunga wendekele kuli Solomoni ngwendi, “Omwo unapokola cikumiiyo cange nove, co unalimbulula mashiko ange, njalisingi ngeci njikatundisa vumwene kuli yove, co njikavwana kuli vamyata vove.

1 Vimyene 16:13

Omwo a tumponya twavo na omwo vakevo vatwamenenene Isalele nakuvakovelesa mu vuvi, Mbasha na munendi Elahe vashangumwine vukalu vwa Shukulu Kalunga, Njambi ya Isalele.

2 Vimyene 17:8

co vakavangeyeye futisi ya vanu vaje vaashekele Shukulu Kalunga omo vanu vendi vakele nakuya kulutwe, co vapangesele futisi ije ivanenele vimyene va mu Isalele.

2 Mizimbu 24:19

Shukulu Kalunga wavatuminine vaka-kwimanena kuvanangula ngeci veluke kuli ikeye, oloni vanu vavyanene kuvatolilila.

2 Mizimbu 33:2

Manase walingile vuvi ku mesho a Shukulu Kalunga akukavangeya vilinga vyavivi vya miyati ije yaashekele Shukulu Kalunga mu lifuti omo vanu vendi vakele nakuya kulutwe.

2 Mizimbu 33:9

Manase watwamenenene vanu va mu Yunda mu kulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga mu lifuti omo vanu vendi vakele nakuya kulutwe.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Myaso 115:8

Voshe vaje vapangele ava tumponya nakukulaela kuli vakevo, vapwe ngwe ava tumponya vavanapanga!

Myaso 78:10

Vakevo kuvanyungile cikumiiyo cavo na Njambi, vavyanene kwononoka mashiko endi.

Kutuuka 16:28

Asinoni Shukulu Kalunga wendekele kuli Mosesa ngwendi, “Visimbu vingai yeni vanu mukavyana kwononoka kushika kwange?

Njelemiya 10:15

Tumponya tunapu twangoco, vanapande kutuyeluwisa, omo Shukulu Kalunga akaija vakatunyongesa.

Njelemiya 10:8

Voshe valemesa tumponya vapwa vilema. Vikajo vivalilongesa ku tumponya twa viti?

Njelemiya 2:5

Shukulu Kalunga alinakwendeka ngwendi, “Mulonga ukajo uvanjiwanene nawo vakukulwila veni ngeci vatunde kuli yange? Valemesele tumponya twakujeneka seo, co na vakevo lalo vapwile vanu vangoco.

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Njelemiya 44:23

Vukalu ovu vunaija ali yeni, omwo mwakombelelele vin̄ombelo ku vinjambi veka, co mwavulumwine ku mesho a Shukulu Kalunga kwononoka mashiko endi oshe.”

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Njelemiya 8:9

Vanu veni vaka-mana vali mu citanga, co vakavakwata nakuvazivisa shwamwa. Vanavyana majwi ange, mana akajo valinawo?

Ezekiyele 12:2

“Muna munu, yove uli akati ka vanu vaka-kutengulukila. Vali na mesho, oloni nacimo cai vamona, vali na matwi, oloni nacimo cai vaziva, omwo vapwa vanu vaka-kutengulukila.

Ezekiyele 2:3

“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo.

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

Yona 2:8

Voshe vaje vaka-kulemesa tumponya twangoco vanakukengesa nima yove Muka-kutetela.

Yowano 2:8

co wavalekele ngwendi, “Ololo tekuleni mema ngeci muwatwale kuli mukulunu wa ciwano.” Ngecivene, vamutwalelele mema,

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

Kwituluka mu Mashiko 18:10

Kesi mukakombelele vana veni va vanalume, nambe va vanakazi kupwa n̄ombelo embwe. Co vanu veni kesi vakapwe vaka-kutaa, nambe vakakulaele viyovo, nambe vakapwe valozi,

Kwituluka mu Mashiko 29:24

Asinoni vanu voshe va mukaye vakehula ngwavo, ‘Omwo vikajo Shukulu Kalunga nalingi eci ku lifuti lyavo? Cuma mukajo camuluvalesa na vukalu vwakama ngacije?’

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.

Kwituluka mu Mashiko 32:31

Vitozi vavo vazivukile ngeci vinjambi vavo vapwa vakuzeya, kuvesi na nzili ngwe Njambi ya Isalele.

1 Samwele 12:21

Kesi mukavangeye vinjambi va makuli, vaje kuvasa kumikwasa nambe kumyamena, omwo kesi va vushunga embwe.