2 Vimyene 17:13 - Livulu lya Shukulu Kalunga

¹³ Shukulu Kalunga watumine miluwa vendi na vaka-kwimanena kunangula Isalele na Yunda ngwendi, “Sezeni vingila vyeni vyavivi, ononokeni vizilika vyange vije vili mu Mashiko aje njanene kuli vakukulwila veni aje njaanene kuli yeni ali vangamba vange vaka-kwimanena.”

2 Vimyene 17:13 Iomraidhean Croise

1 Vimyene 16:1

Shukulu Kalunga watumine Yehu muka-kwimanena muna Hanani, kuleka Mbasha ngwendi,

1 Vimyene 16:7

Lijwi lya Shukulu Kalunga ali Mbasha na naanga yendi lyezile ali Yehu muka-kwimanena omwo a vuvi vwalingile ku mesho a Shukulu Kalunga. Mbasha washangumwine vukalu vwa Shukulu Kalunga kesi lika omwo a vuvi vuje vwalingile, ngwe vwalingile Mwene Yelovowame akulivanga embwe, oloni omwo watsiile lalo naanga ya Yelovowame yoshe.

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Vimyene 18:6

Ikeye wakulaelele kuli Shukulu Kalunga, co wamwononokele, oloni wanyungile mashiko oshe aje Shukulu Kalunga waashikile ali Mosesa.

2 Vimyene 21:10

Shukulu Kalunga wendekele muli vangamba vendi vaka-kwimanena ngwendi,

1 Mizimbu 29:29

Vin̄anda vya Mwene Ndaviti kutunda kukushangumukila kutwala ku shongo vavisoneka mu mizimbu ya vaka-kwimanena vatatu, Samwele na Natane na Ngande.

Yombi 11:14

Tundisa vuvi na kupenga-penga ku njuvo yove.

Yombi 36:10

Ikeye ashokolola matwi avo, ngeci vazive vilongesa nakuvashika ngeci vatunde ku vuvi vwavo.

Myaso 50:7

“Tolilileni yeni vanu vange, co njikendeka, yove Isalele njikakwambulwila vukaleo. Yange Njambi njapwa nji Njambi yeni vene.

Njelemiya 11:7

Omo njatundisile vakukulwila vavo mu Ingito, njavanangwile ngeci vanjononoke, njavanangwile kushwakumo kweta na ku litangwa lya lelo.

Njelemiya 18:11

Ngecivene, ololo, leka vanu va mu Yunda na vanu va mu Yelusalema ngwove njilinakutumba matumbe akuvalwisa, nakuvahisa. Valeke ngeci valikele kuyoya mu vuvi, vatenguluke ku vingila vyavo na ku vyuma vivalinakulinga.

Njelemiya 25:3

“A myaka makumi avali na itatu, kutunda ku mwaka wamulikumi na itatu uje Yosiya muna Amoni wapwile mwene wa mu Yunda kweta ku litangwa lya lelo, Shukulu Kalunga nendeka kuli yange, co kunjajukile kumileka vije vyendekele. Oloni kumwombileko mbunge embwe.

Njelemiya 3:7

Njayongwele ngwange omo nalingi vyoshe evi, mwa vushunga akeluka kuli yange, oloni shendi kwiluka, co ndokazi yendi Yunda wakujeneka kulongwa wamwene vyoshe evi.

Njelemiya 34:14

omo myaka itanu na ivali inahu, vanapande kwecela ngoco woshe cinzinda wa kaHevelu, uje navapangela myaka itanu na umo. Oloni vakukulwila veni kuvombileko mbunge nambe kutolilila ku vije njendekele.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Njelemiya 42:19

Co njendekele ngwange, “Shukulu Kalunga namileka yeni mwasalao mu Yunda ngwendi kesi muye lalo ku Ingito. Co yange njilinakuminangula ngwange

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Ezekiyele 3:19

Nga unangula muka-vuvi, oloni ikeye katenguluka ku vuvi vwendi, ikeye atsa, anga acili mu vuvi, oloni yove unamena mwonyo wove.

Ndanyele 9:10

Kutwononokele kuli yove Shukulu Kalunga Njambi yetu, omo watulekele kuyoya mu mashiko ove aje awatwanene ali vangamba vove vaka-kwimanena.

Hoziya 11:2

Nameme yange njamusanene oloni ikeye watundile kuli yange. Vanu vange vakombelelele kuli Mbale, co venyekelele insense ku tumponya.

Hoziya 12:10

“Njendekele kuli vaka-kwimanena, co njavasholwelele vimona vyavingi. Co njanangwile vanu vange ali vaka-kwimanena.

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Kwituluka mu Mashiko 31:21

Co tuyando twatungi twakukomokesa tukakala ali vakevo, oloni mwaso ou uvakaimba ukapwa vukaleo vwange kuli vakevo, omwo mwaso ou ukakala mu vimbunge vya vatekulwila vavo. Nameme kanda njivatwale mu lifuti lije njalisingile kuvanalyo, njazivuka vivalinakuyongola.”

Kwituluka mu Mashiko 4:26

Nga mukalingamo, co mukanyongela mu lifuti lije limukashwana lili musambwa ya Yondau. Kumukatumisa matangwa eni mu lifuti lije oloni muvavoshe mukanyonga njwa, omwo lilu na asi vinapu vukaleo vwange ku litangwa lya lelo.

Kwituluka mu Mashiko 8:19

Kesi mukevale Shukulu Kalunga Njambi yeni nakukava vinjambi veka nakuvalemesa nakuvapangela embwe. Nga mulingamo, njiminangula litangwa lya lelo ngwange mwa vushunga vene mukanyonga.

Yoshwa 23:16

Nga kumukanyungu cikumiiyo ca Shukulu Kalunga Njambi yeni cije camishikile, co nga mukapangela nakulemesa vinjambi veka nakuvatsikamena, vukalu vwa Shukulu Kalunga vukaija ali yeni, co mukanyonga vwasi mu lifuti lije lyalivwa lyanamyana.”

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.

Maako 6:10

Co njamilekele ngwange yange njapwa Kalunga Njambi yeni, kumwapandele kulemesa vinjambi va vaAmoli, vaka-lifuti lije mulinakuyoyelamo. Oloni kumwanjitolilile.”

Maako 6:8

co Shukulu Kalunga wavatuminine muka-kwimanena uje wavanenelele lijwi lyakutunda kuli Shukulu Kalunga Njambi ya Isalele ngwendi, “Yange njamitundisile mu Ingito mu lifuti lya vundungo.

1 Samwele 9:9

(Laja mu Isalele, omo munu aya nakwihula kuli Njambi, co ikeye endeka ngwendi, “Ijeni tuye kuli muka-kumona,” omwo uje ikeye vatumbula ololo ngwavo muka-kwimanena, co laja vakele nakumutumbula ngwavo muka-kumona.)