2 Vimyene 16:15 - Livulu lya Shukulu Kalunga

¹⁵ Asinoni Mwene Ahaze washikile Uliya ngwendi, “Ololo oni pangesa mutula wange wakama akulambula milambu ya kwenyeka ya mutondo na milambu ya cingwezi ya vimbuto na milambu ya kwenyeka na milambu ya vimbuto vya mwene na vanu na milambu ya vinyu ya vanu. Co itilao maninga a tusitu voshe vaje vavanakombelela. Oloni njitulikile mutula wa vunengu njakutaeleo.”

2 Vimyene 16:15 Iomraidhean Croise

Kushangumuka 44:5

Omwo vikajo munevila nganja ya shukulu yange ya siliva? Ikeyo yakanwila, ikeyo lalo yakataesa omo ashaka kuzivuka vika vilinakwija. Yeni munavulumuna mulonga wakama manene!’ ”

1 Vimyene 3:4

A simbu imo mwene waile ku Ngimbiyone mukukombelela vin̄ombelo omwo kukekwo kwakele mutula wakutsimana manene. A simbu ya kunima wakombeleleleko vin̄ombelo vya kwenyeka.

1 Vimyene 7:23

Hulame walingile lizau lya mema lya vunengu lyamuzinguluke lyakupwa mamita 2.2 mu kulova, na mamita 4.4 kutunda kumukulo umo kweta kumukulo ukwavo, lyoshe lyapwile lyamuvundungulu, vukama vwalyo vwapwile mamita 13.2.

1 Vimyene 8:64

Co ku litangwa lije lalo wajelesele mutambela wa akati ka cipango, mwela wa kulutwe lwa Njuvo ya Shukulu Kalunga, co wakombelelele kuje vin̄ombelo vya kwenyeka vyamutunu, na milambu ya vimbuto vya vinona, na mazi a vimuna kupwa milambu ya kulitombola. Walingile vije omwo mutula wa vunengu wapwile waundondo manene ku vin̄ombelo vyoshe vije.

2 Vimyene 16:14

Co mutula wa vunengu uje uvakundikile kuli Shukulu Kalunga wakele akati ka mutula wauha na Njuvo ya Shukulu Kalunga, ngecivene, Ahaze waakele uje mutula ku kunto ya mutula wendi wauha.

2 Vimyene 16:16

Uliya walingile ngwe muje mwamushikile mwene.

2 Vimyene 18:4

Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Vimyene 3:20

Alikaki mutondo, a simbu yakukombelela, n̄ombelo ya a mutondo na mutondo, mema atundile ku mutambela wa Endome ajalelesele livu.

2 Mizimbu 29:32

Co vanenele vingombe va nkomba makumi atanu na avali, na majamba a vimanga akupwa 100, na vana va vimanga vakupwa 200 nakuvakombelela kupwa vin̄ombelo vya kwenyeka kuli Shukulu Kalunga.

2 Mizimbu 29:35

Kuwezelela ku vin̄ombelo vya kwenyeka vyoshe vyamutunu, vaka-kukombelela vakele na moko ya kwenyeka mazi a situ yakukombelela ije valile vanu, na milambu ya vinyu, ije vetilile a vin̄ombelo vya kwenyeka. Ngecivene, vanu vashangumukile lalo kulemesa mu Njuvo ya Shukulu Kalunga.

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Isaya 2:6

Yove Njambi unavyana vanu vove, vatekulwila va Yakomba! Lifuti lyavo linashulu na vilinga vya manseno vya ku ngangela na ku Filisitiya. Vanu valinakukava futisi ya vangenzi.

Ndanyele 11:31

Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

Ndanyele 9:21

Omo njakele nakulombela, Ngambiliyele uje injamwene mu cimona cakulivanga, wapulwile nakwija kuje kunjakele. Yapwile simbu yakukombelela vin̄ombelo vya cingwezi.

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Hoziya 4:12

Vanu vange valomba mana ku tumponya twavo twa viti! Co viti vivaleka vije vivashaka kuzivuka! Vananjiseza. Ngeci mwa munakazi uje alipwisa cikwizi, vanu vange vanalyana vakevo vavenya ku vinjambi veka.