2 Vimyene 15:29 - Livulu lya Shukulu Kalunga

²⁹ Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 15:29 Iomraidhean Croise

1 Vimyene 14:15

Shukulu Kalunga akahisa Isalele, co Isalele ikajaja ngwe mulikajaja lihongo mu muna ndonga. Ikeye akatundisa vanu va Isalele mu lifuti eli lyalivwa lije walyanene kuli vakukulwila vavo, co akavashandwela musambwa ya Ndonga ya Yufuleti, omwo vashangumuna vukalu vwendi akushonga tumponya twa Ashela njambi wa munakazi.

1 Vimyene 15:20

Mwene Mbenehandande watavele ku viyongola vya Asa, co watumine vamyata vaka-kushika nzita yendi na mashwalale vavo kukalwisa vinganda vya Isalele. Vafungulwile Injone, na Ndani, na Avele Mbete Maka, na mutambela wa kuyehi na Lishali lya Ngalileya, na mutambela woshe wa Nafetali.

1 Vimyene 9:11

Mwene Hilame wa ku Tile wakwasele Solomoni viti vya kendale, na tulipi, na ngolinde yoshe vashakele a vipangi vije. Omo vyahwile, co Mwene Solomoni waanene Hilame vinganda likumi mu lifuti lya Ngalileya.

2 Vimyene 15:19

Tingelate Pilesele, mwene wa Asilya walwisile Isalele, co Menaheme wamwanene makilo akupwa 34,000 a mavundungulu a siliva ngeci amukwase kukolesa vumwene vwendi mu lifuti.

2 Vimyene 15:20

Menaheme wawanene vimbongo evi kuli vanu vaje vapwile vaka-kufuka mu Isalele, akusindiya munu na munu kweca mavundungulu a siliva makumi atanu. Ngecivene, Tingelate Pilesele welukile ku lifuti lyendi.

2 Vimyene 15:28

Peka walingile vuvi ku mesho a Shukulu Kalunga, wakavangeyeye vilinga vya Mwene Yelovowame muna Nembate, uje watwamenenene Isalele mu vuvi.

2 Vimyene 15:30

Mu mwaka wamumakumi avali omo Yotame muna Uziya wapwile mwene wa mu Yunda, Hosheya muna Elahe watumbile vutumbe vwakulwisa Mwene Peka, co wamutsiile, wamushwanene kupwa mwene.

2 Vimyene 16:10

Omo Mwene Ahaze waile ku Ndamasiku nakuliwana na Tingelate Pilesele mwene wa Asilya, wakamwene mutula kuje, co wautembunwine nakuusoneka, co watumine cifwa cawo kuli Uliya muka-kukombelela,

2 Vimyene 16:7

Ahaze watumine vanu kuli Tingelate Pilesele, mwene wa Asilya ngwendi, “Yange nji ngamba yove wakuliita kuli yove. Ija wakunjamene ku vimyene va Silya na Isalele, ava valinakunjilwisa.”

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

2 Vimyene 18:11

Mwene wa vaAsilya watwalele vaIsalele ku Asilya kupwa vinzinda, co vamo wavaakele mu nganda ya Hala, vakwavo wavaakele kuyehi na Ndonga ya Hambole, ku mutambela wa Ngozane, co vakwavo wavaakele mu vinganda vya Mendiya.

2 Vimyene 19:11

Unazivi laja vyakalingi mwene wa vaAsilya ku lifuti lyoshe lije lyanayongola kunyongesa. Kuma yove wayongola ngeci wasa kutewa ndi?

2 Vimyene 8:11

Co Elisha wamukengele shwii noo Hazayele wazivile shwamwa. Co Elisha walilile.

1 Mizimbu 5:22

Co vatsiile vitozi vavangi, omwo nzita yapwile ya cizango ca Njambi. Co vatwaleleleo kukala mwamuvwa mu mutambela uje noo ku simbu ya vundungo.

1 Mizimbu 5:26

Ngecivene, Njambi wasingile mwene Pule wa Asilya (uje lalo ivatumbwile Tingelate Pilesele) kulwisa lifuti lyavo. Ikeye washekele miyati ya Luvena, na Ngande, na Manase wa mu ngangela, nakuvaka mu Halahe, na mu Hambole, na mu Hala, na ku ngenge ya Ndonga ya Ngozane.

1 Mizimbu 5:6

co Mbale wakitile Mbela ikeye ivatwalele ku vunzinda kuli Tingelate Pilesele mwene wa ku Silya. Mbela wapwile ntwama wa muyati wa Luvena.

2 Mizimbu 16:4

Mbenehandande watavele ku viyongola vya Asa, co watumine vamyata vaka-kushika nzita yendi na mashwalale vavo kukalwisa vinganda vya Isalele. Vafungulwile Injone, na Ndani, na Avele Mbete Maka, na vinganda vyoshe vya Nafetali kuje kwakele vinjuvo vyakutulikila.

Nehemiya 9:32

“Yove Njambi, Njambi yetu, yove wakama, muka-nzili! Muka-kukomokesa, muka-kunyunga cikumiiyo na cizemo cove cije kucesi kutenguluka. Kutunda a simbu ije omo vimyene va vaAsilya vatuyandesele, nakweta ku simbu ino, tuyando twoshe tuje tuli ali yetu, na vimyene vetu, na vantwama vetu, na vaka-kukombelela vetu, na vaka-kwimanena vetu, na vakukulwila vetu, na vanu vetu voshe, kesi twatundondo ku mesho ove.

Isaya 1:7

Lifuti lyeni linemuka mambo, co vinganda vyeni vanavyenyeka. Vaka-kwija vanamitambula lifuti lyeni oku munavakengelela.

Isaya 37:18

Shukulu Kalunga, yetu voshe twazivuka ngeci vimyene vaAsilya vananyongesa miyati yaingi, co vanapwisa mafuti avo vingundu,

Isaya 7:16

Nameme simbu ije kanda icete, mafuti a vimyene vavali vaje vamizivisa lyova, vakaanyongesa.

Isaya 7:20

“A litangwa lije, Shukulu Kalunga akalanya muka-kuteula wa musambwa ya Ndonga ya Yufuleti mwene wa vaAsilya! Co ikeye akamiteula minjezi yeni na vin̄ambu vya ku mitwe yeni, na maka aa mivila yeni.

Ezekiyele 23:9

Ngecivene, njamukundikile kuli vikwizi vendi va vaAsilya vaje vazemene manene.

VaLevi 26:32

Co njikanyongesa lifuti lyeni lyoshe njwa, ngeci vitozi vaje vakakalamo vakalisimoke akuviya kwangacije.

Amose 1:13

Shukulu Kalunga alinakwendeka ngwendi, “Vanu va ku Amoni vanalingi vuvi kushwakumo, omwo cuma eci mwa vushunga njikavanyanyamesa. Mu vinzita vyavo vyakulwisa mafuti amangi, vakevo vatavwile vanakazi va ku Ngilyande vaje vakele na memo.

Amose 1:3

Shukulu Kalunga alinakwendeka ngwendi, “Vanu va ku Ndamasiku vanalingi vuvi kushwakumo, omwo eci mwa vushunga njikavanyanyamesa. Omwo vakele na muuka kuli vanu va ku Ngilyande.

Amose 5:27

omo njimitwala mu vunzinda musambwa ya lifuti lya Ndamasiku.” Mwalinakwendeka Shukulu Kalunga, lizina lyendi ikeye Njambi Muka-nzili yoshe.

Amose 6:14

Shukulu Kalunga Njambi Muka-nzili yoshe ikeye vavenya alinakwendeka ngwendi, “Yeni vanu va mu Isalele, njikamitumina muyati ngeci vakukale mu lifuti lyeni. Vakamiyandesa kutunda ku Ngila ya Hamate ku kunto nakweta ku muna ndonga Alamba mu mbwela.”

Kulava 32:1

Miyati ya Luvena na Ngande vakele na vimuna vavangi manene. Co omo vamwene vuvwa vwa lifuti lya Njazele, na Ngilyande kulilamo vingombe,

Kulava 32:40

Ngecivene, Mosesa waanene lifuti lya Ngilyande kuli Makile muna Manase, co vakevo vatungilemo.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 3:15

“Co njanene Ngilyande ku cikota ca Makile wa ku muyati wa Manase.

Yoshwa 11:1

Omo Mwene Njavine wa ku Hazole wazivile muzimbu wakuhyana kwa vaIsalele, co watumine lijwi kuli Mwene Njombambe wa ku Mandone, na kuli vimyene va ku Shimelone, na Akeshafe,

Yoshwa 11:10

Asinoni Yoshwa welukile, co wafungulwile Hazole nakutsiya mwene wamwo. A simbu ije Hazole yapwile nganda yakama manene ku vumwene vwoshe.

Yoshwa 11:13

Oloni vaIsalele kuvenyekele vinganda vije vatungile akulunduka, kuvanga lika Hazole, ikeyo yenyekele Yoshwa.

Yoshwa 12:19

na Mandone, na Hazole,

Yoshwa 16:6

co kutunda kuje yakengeselele ku Lishali lya Menditelenyani. Co Mikimetate yakele ku kunto yavo. Co nginga yalizengele nakwita ku Tanaate Shilo, co yetile mu ngangela ku Njanowa.

Yoshwa 19:35

Co vinganda vya vimpaka vyapwile, Zindime, na Zele, na Hamate, na Lakate, na Kinelete,

Yoshwa 19:37

na Kendeshe, na Endeleyi, na Enehazole,

Yoshwa 20:7

Ngecivene, mu kangombe ka yambi ya Yondau vaangunwine Kendeshe mu Ngalileya, mu lifuti lya malundu lya Nafetali, na Shekeme yakele mu lifuti lya malundu lya Efalime, na Hevelone yakele mu lifuti lya malundu lya Yunda.

Maako 18:30

Vanalume va ku Ndani vemikile tumponya mukuvalemesa, co Yonatana, muna Ngeleshone, muna Mosesa, na vana vendi vapwile vaka-kukombelela ku muyati wa Ndani noo vavatwalele mu vunzinda.

Maako 4:2

Ngecivene, Shukulu Kalunga wavakundikile ku mavoko a Njavine mwene wa vaKanana, uje washwanene mu nganda ya Hazole. Muka-kushika mashwalale wapwile Sisela, uje wakele mu Haloshete ya Vaka-kujeneka Kukulaela.