2 Vimyene 15:19 - Livulu lya Shukulu Kalunga

¹⁹ Tingelate Pilesele, mwene wa Asilya walwisile Isalele, co Menaheme wamwanene makilo akupwa 34,000 a mavundungulu a siliva ngeci amukwase kukolesa vumwene vwendi mu lifuti.

2 Vimyene 15:19 Iomraidhean Croise

2 Vimyene 12:18

Mwene Yowashe wa mu Yunda wambatele vyuma vyoshe vije Njosefati na Njeholame na Ahaziya vanu vaje vaingile, vavikundikile kuli Shukulu Kalunga, kuwezelelako na vyuma vyendi vavenya, na ngolinde yoshe ije yakele mu mbango ya Njuvo ya Shukulu Kalunga na mu lipela, co wavitumine vyoshe kupwa vwana kuli Mwene Hazayele, co ikeye watundisile mashwalale vendi mu Yelusalema.

2 Vimyene 14:5

Omo vumwene vwa Amaziya vwakolele na nzili, co watsiile vamyata vaje vatsiile ishe, Mwene Yowashe.

2 Vimyene 15:18

Menaheme walingile vuvi ku mesho a Shukulu Kalunga, co wakavangeyeye vuvi vwa Mwene Yelovowame muna Nembate, uje watwamenenene Isalele mu vuvi kutwala na a litangwa lya kutsa kwendi.

2 Vimyene 15:20

Menaheme wawanene vimbongo evi kuli vanu vaje vapwile vaka-kufuka mu Isalele, akusindiya munu na munu kweca mavundungulu a siliva makumi atanu. Ngecivene, Tingelate Pilesele welukile ku lifuti lyendi.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 16:8

Ahaze wambatele siliva na ngolinde ya mu Njuvo ya Shukulu Kalunga na vufuko vwa mu lipela, co wavitumine kupwa vwana kuli mwene wa Silya.

2 Vimyene 18:16

co lalo walamunwine ngolinde ya ku vikolo vya Njuvo ya Shukulu Kalunga na ngolinde ije yafwikile a vimanda vya Njuvo ya Shukulu Kalunga, co waitumine yoshe kuli Senakelivi.

Nehemiya 9:32

“Yove Njambi, Njambi yetu, yove wakama, muka-nzili! Muka-kukomokesa, muka-kunyunga cikumiiyo na cizemo cove cije kucesi kutenguluka. Kutunda a simbu ije omo vimyene va vaAsilya vatuyandesele, nakweta ku simbu ino, tuyando twoshe tuje tuli ali yetu, na vimyene vetu, na vantwama vetu, na vaka-kukombelela vetu, na vaka-kwimanena vetu, na vakukulwila vetu, na vanu vetu voshe, kesi twatundondo ku mesho ove.

Myaso 83:8

VaAsilya navo vanalipandakana navo, nakukwasa vatekulwila va Lote.

Isaya 9:1

Kukukakala lalo ngila yeka kuli vakevo yakutewelamo simbu eyi ya tuyando. Lifuti lya muyati wa Zembuloni na Nafetali akulivanga vavazindile Oloni kulutwe lifuti eli vakalisingimika kushangumukila ku Mema a Kalunga a Menditelenyani nakweta ku mutambela ukwavo wa lifuti lya Yondau noo ku Ngalileya kuvatungile vaka-kwija.

Njelemiya 17:5

Shukulu Kalunga alinakwendeka ngwendi, “Njikasinga munu uje atunda kuli yange nakukulaela kuli munu wangoco, nakutundisa mbunge yendi kuli Shukulu Kalunga.

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Ezekiyele 23:5

Nameme Ohola wapwile wange, oloni wapwile cikwizi, co wazemene vikwizi vendi va ku Asilya.

Hoziya 10:6

Co kaje kamponya vakakatwala ku Asilya kupwa kalambu kuli mwene wakama wakuje. Co Isalele vakamushaula nakumuzivisa shwamwa omwo kunangula kuje wakavele.

Hoziya 5:13

“Omo Isalele wamwene alinakuvinja, co omo Yunda wamwene vimbandu vyendi vavenya, asinoni Isalele waile ku Asilya nakukalomba mwene wakama mukumukwasa, oloni kasele kuvasaka nameme kukangwisa vimbandu vyavo.