2 Vimyene 15:14 - Livulu lya Shukulu Kalunga

¹⁴ Menaheme muna Ngandi watundile ku Tileza waile ku Samaliya, watsiile Shalume, co wamushwanene a litanda kupwa mwene.

2 Vimyene 15:14 Iomraidhean Croise

1 Vimyene 14:17

Co munakazi wa Yelovowame welukile ku Tileza. Acikovela lika mwimbo lyendi, co mwana watsile.

1 Vimyene 15:21

Omo Mwene Mbasha wazivile vije vyalingiwile, walikelele kutunga cimpaka ku Lama, co waile ku Tileza.

1 Vimyene 15:33

Mu mwaka wamucitatu wakushwana kwa Mwene Asa wa mu Yunda, Mbasha muna Ahiya wapwile mwene wa mu Isalele yoshe, co washwanene mu Tileza myaka makumi avali na iwana.

1 Vimyene 16:15

Mu mwaka wamumakumi avali na myaka itanu na ivali wakushwana kwa Mwene Asa wa mu Yunda, Zimeli washwanene mu Tileza mu Isalele matangwa atanu na avali. Co mashwalale va Isalele vazengelekele nganda ya Ngimbetone mu Filisitiya,

1 Vimyene 16:17

Co Omeli na mashwalale vendi vatundile mu Ngimbetone vaile nakulwisa Tileza.

2 Vimyene 15:10

Shalume muna Njambeshe watengulukilile Mwene Zekaliya nakumulwisa, co wamutsiilile ku Imbelyame, co wamushwanene kupwa mwene.

2 Vimyene 15:15

Vyuma vyoshe vije vyalingile Shalume, amo na matumbe endi akulwisa Zekaliya, vavisoneka mu Livulu lya Mizimbu ya Vimyene va mu Isalele.

2 Vimyene 15:17

Mu mwaka wamumakumi atatu na iwana omo Uziya wapwile mwene wa mu Yunda, Menaheme muna Ngandi wapwile mwene wa mu Isalele, washwanene mu Samaliya myaka likumi.