2 Vimyene 14:27 - Livulu lya Shukulu Kalunga

²⁷ Oloni kucapwile cizango ca Shukulu Kalunga kunyongesa Isalele ku myaka yoshe embwe, ngecivene, wavapatwile ali Mwene Yelovowame Wamucivali.

2 Vimyene 14:27 Iomraidhean Croise

2 Vimyene 13:23

oloni Shukulu Kalunga wakele na ngozi na mema ku mbunge ali vakevo. Ikeye kavecelele ngeci vavanyongese embwe, oloni wavakwasele omwo ya cikumiiyo cendi kuli Avilahama na Isake na Yakomba. Ikeye kevalele vanu vendi embwe.

2 Vimyene 13:5

Shukulu Kalunga watuminine Isalele ntwama uje wavapatwile kuli vaSilya, co vaIsalele vakele mu kwoloka, ngwe muje muvakele myaka ya kunima.

2 Vimyene 5:1

Namane wapwile muka-kushika mashwalale va Silya, mwene wa Silya wamusingimikile nakumuzema manene, omwo ali Namane Shukulu Kalunga waanene mashwalale va Silya nzili yakuhyana. Namane wapwile lishwalale wa nzili, oloni wakele na mushongo wa mbumba.

Myaso 69:28

Zimangana mazina avo mu livulu lya vaka-kuyoya, kesi uvasoneke amolika na vaka-vushunga.

Kwituluka mu Mashiko 25:19

Ngecivene, omo Shukulu Kalunga Njambi yeni akamyana lifuti lije nakulishwana nakumihwimisa ku vitozi veni voshe vaje vakamizengeleka, co mukanyongesa vaAmaleke voshe ngeci kesi kukakale umo akavanuka lalo. Kesi mukevale embwe.

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

Kwituluka mu Mashiko 9:14

Njecele ngeci njivanyongese nakuzilula lizina lyavo ano asi. Co njikakupwisa muyati wakama na nzili kutuvakana vakevo.’

Kujombolola 3:5

Kuli vaje vahyana, vakavazika vuzalo vuje vene vwakutoka, co kunjikatundisa mazina avo mu livulu lya mwonyo. Njikendeka citona-mesho ku mesho a Tate na ku mesho a tungelo twendi ngwange ava vanapu vange.

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.