2 Vimyene 14:10 - Livulu lya Shukulu Kalunga

¹⁰ Ololo yove Amaziya, unafungulula vaEndome, co uli na kulyalesa. Wapwisamo lutsimo lwove, co tumbama kwimbo lyove. Omwo vikajo ulishakela n̄ole ije ikanena tuyando kuli yove na kuli vanu vove?”

2 Vimyene 14:10 Iomraidhean Croise

2 Vimyene 14:7

Amaziya watsiile mashwalale va Endome 10,000 mu Cana ca Mwongwa, co wafungulwile nganda ya Sela mu nzita, co wailukile lizina ngwendi Njoketele, lizina eli na lelo lino kulicili.

2 Mizimbu 26:16

Oloni omo Mwene Uziya wakele na nzili, co washangumukile kulyalesa, eci cikeco camunenesele kuwa kwendi. Washawile Shukulu Kalunga Njambi yendi akukovela mu Njuvo ya Shukulu Kalunga nakwenyekela insense a mutula wa insense.

2 Mizimbu 32:25

Oloni Hezekiya walyalesele manene, kamwesele kasingimiko a vije vyamulingilile Shukulu Kalunga, ngecivene, vukalu vwa Shukulu Kalunga vwezile ali ikeye na a Yunda na a Yelusalema.

2 Mizimbu 35:21

oloni Neko watumine majwi kuli Yosiya ngwendi, “Eyi nzita njilinakulwa kuyakundamene kuli yove Mwene wa mu Yunda embwe. Yange kunjezile nakulwa nove, oloni njinaija nakulwa na vitozi vange, co Njambi nanjileka ngeci njizambule. Njambi nanjimanena, ngecivene, kesi unjipopolole, kutewa akakunyongesa.”

Kutuuka 8:9

Co Mosesa wamukumbulwile ngwendi, “Njinatava kukulombelela. Imika simbu injikakulombelela na vamyata vove, na vanu vove, ngeci mambotwe vakatunde kuli yeni na mu vinjuvo vyeni, co vakasale lika mu Ndonga ya Nailo.”

Visimo 15:18

Mbunge ya matoto ikashangumuna vimata, oloni kusimpa, kukanene kwoloka.

Visimo 16:18

Kulyalesa manene kutwala munu kukunyonga.

Visimo 17:14

Kushangumuka vimata kunapu ngwe mema azikuka mu lishali, ngecivene, likele kushangumuka vimata simbu kanda lwozi lushangumuke.

Visimo 20:3

Capwa kasingimiko ku munu kulyenga ku lwozi, oloni vilema vashaka kulinga vimata.

Visimo 25:8

Kesi uzambwile kutwala mukweni ku mbanja. Nga mukaleo weka akawana ngeci yove u muka-mulonga, co ukaziva shwamwa yakama manene.

Visimo 26:17

Kukokangeya katali ku matwi kunapu ngwe kukovela mu vin̄anda vije kuvyakupandamene.

Visimo 3:30

Kesi ulinge vimata na munu kwakujeneka kashwilo nga kakuvulumwine.

Ezekiyele 28:5

Omwo vutongwe vwove vwakama mukulandesa, unalifukisa yove vavenya. Yove uli na kulyalesa omwo vufuko vwove!’

Ezekiyele 38:17

Yove vene uje njatumbwile ku san̄ulu, omo njambulwile muli vangamba vange vaka-kwimanena va mu Isalele, ngwange ku matangwa aje akaija kulutwe, njikanena munu umo akulwise Isalele.” Munjinendeka yange Kalunga wa Akamwa ya Vyoshe.

Ezekiyele 38:2

“Muna munu, ambulwila Ngonge, ikeye muka-kushwana wakama wa miyati ya Meshake na Tuvale mu lifuti lya Mangonge. Mwambulwile,

Ezekiyele 38:5

Vanalume vakutunda ku Pelesha, na Sundane, na Limbiya vali amo nendi, co voshe vali na vintelo na vitepa.

Ndanyele 11:12

Ikeye akalyalesa akuhyana kwendi na a mashwalale vavangi vaje vanatsii, oloni kakahyana lalo.

Hambakuke 2:4

Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”

Hambakuke 2:5

Vufuko vukakwisa. Vanu vaka-linyanyamena vapwa vaka-kulyalesa, co kuvesi kujuka, ngwe kutsa nakwo kukwesi kujuka. Omu mukemwo vakafungulula muyati na muyati wa vanu.

Kwituluka mu Mashiko 8:14

cooni vimbunge vyeni vikalyalesa nakwivala Shukulu Kalunga Njambi yeni uje wamitundisile mu Ingito, mu lifuti lya vundungo.

Yakomba 1:9

Vaka-Yesu vaje vanapu tuutu vanapande kuvwaelela omo Njambi avajundula,

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”

Maako 9:52

Avimeleke wezile nakulwisa cimpaka, co waile ku cikolo ca cimpaka mukukashwamekako tuhya.