2 Vimyene 13:6 - Livulu lya Shukulu Kalunga

⁶ Oloni nameme ngoco kuvecelele vuvi vuje Mwene Yelovowame watwamenenene navwo Isalele, oloni vatwaleleo kulinga vuvi, na kamponya ka Ashela njambi wa munakazi kasalele mu Samaliya.

2 Vimyene 13:6 Iomraidhean Croise

1 Vimyene 14:16

Shukulu Kalunga akaseza Isalele omwo Yelovowame nalingi vuvi nakutwamenena vanu va Isalele mu vuvi.”

1 Vimyene 15:3

Ikeye walingile vuvi ngwe mwalingile lalo ishe, co kapwile wa kulongwa kuli Shukulu Kalunga Njambi yendi, ngwe mwapwile kukulwila yendi Ndaviti.

1 Vimyene 16:26

Ngwe lalo Yelovowame, na ikeye lalo washangumwine vukalu vwa Shukulu Kalunga, Njambi ya Isalele, a vuvi vwendi vwakutwamenena vanu va Isalele nakuvakovelesa mu vuvi namukulemesa tumponya.

1 Vimyene 16:33

Co lalo wapangele cifwa ca Ashela njambi wa munakazi. Co watwaleleo kulinga vyuma vyavivi nakushangumuna vukalu vwa Shukulu Kalunga, Njambi ya Isalele, kutuvakana vimyene voshe vakulivanga mu Isalele.

2 Vimyene 10:29

Oloni watembunwinine vuvi vwa Mwene Yelovowame, uje watwamenenene Isalele nakuvakovelesa mu vuvi vwakulemesa tumponya twa ngolinde twa vana va vingombe tuje vashimbikile mu Mbetele na mu Ndani.

2 Vimyene 13:11

Na ikeye lalo walingile vuvi ku mesho a Shukulu Kalunga, wakavele cimweso cacivi ca Mwene Yelovowame, uje watwamenenene Isalele nakuvakovelesa mu vuvi.

2 Vimyene 13:2

Ngwe mwalingile Mwene Yelovowame uje washwanene akulivanga, na ikeye lalo walingile vuvi ku mesho a Shukulu Kalunga, co watwamenenene Isalele mu vuvi, kecelele vingila vyendi vyavivi.

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 18:4

Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

2 Vimyene 23:4

Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

Isaya 26:10

Nameme umwesa ngozi kuli vaka-vuvi, kuvesi kulilongesa kulinga vushunga. Nameme mu lifuti muli vaka-vushunga, oloni vaka-vuvi anga vatwalelelao kulinga vuvi, kuvesi kumona vukama vwove.

Kwituluka mu Mashiko 7:5

Omu mukemwo mumukalinga navo, mukasiwula mitula yavo, nakuvujula vimanda vya mamanya vyakulemesela, nakuvatula viti vya Ashela njambi yavo wa munakazi, nakwenyeka tumponya twavo.