2 Vimyene 13:25 - Livulu lya Shukulu Kalunga

²⁵ Mwene Yehowashe wa mu Isalele wafungulwile Mbenehandande visimbu vitatu, co watambwile lalo vinganda vije vyatambwile Mbenehandande a simbu yakushwana kwa Njehoahaze, ishe ya Yehowashe.

2 Vimyene 13:25 Iomraidhean Croise

1 Vimyene 20:29

VaSilya na vaIsalele vakele matangwa atanu na avali mu vilombo vyavo, nakulikenga umo na mukwavo. A litangwa lyamucitanu na avali vashangumukile kulwa, co vaIsalele vatsiile vaSilya vakupwa 100,000.

2 Vimyene 10:32

A simbu ije Shukulu Kalunga washangumukile kutepulula lifuti lya Isalele. Co Mwene Hazayele wa ku Silya wafungulwile mitambela yoshe ya vaIsalele

2 Vimyene 10:33

kutunda mu ngangela ya Yondau kweta na ku mbwela ku nganda ya Aloele ku Ndonga ya Alenone, amo na mitambela ya Ngilyande na Mbashane, kuje kwakala miyati ya Ngande na Luvena na Manase wa mu kangombe ka yambi.

2 Vimyene 13:24

A kutsa kwa Mwene Hazayele wa Silya, munendi Mbenehandande wamushwanene kupwa mwene.

2 Vimyene 13:3

Ngecivene, Shukulu Kalunga waluvalele na Isalele, co watavele Mwene Hazayele wa ku Silya na munendi Mbenehandande kufungulula Isalele simbu ku simbu.

2 Vimyene 13:5

Shukulu Kalunga watuminine Isalele ntwama uje wavapatwile kuli vaSilya, co vaIsalele vakele mu kwoloka, ngwe muje muvakele myaka ya kunima.

2 Vimyene 14:25

Ikeye welwisile mitambela yoshe ije yapwile ya Isalele, kutunda ku Ngila ya Hamate ku kunto kweta na ku Lishali lya Mema a kutsa ku mbwela. Evi vikevyo vyakulaesele Shukulu Kalunga, Njambi ya Isalele, ali ngamba yendi Yona muka-kwimanena muna Amitai wa ku Ngate Hefele.