2 Vimyene 12:9 - Livulu lya Shukulu Kalunga

⁹ Asinoni Yehoyanda wanonele cikasa, wativile mbengwa a cifwiko, co wacakele kumukulo wa mutula, ku livoko lya cilyo kwakukovelela mu Njuvo ya Shukulu Kalunga. Co vaka-kulombelela vaje vakele nakupanga ku cikolo vakele nakwakamo vimbongo vyoshe vije vakele nakunena vaka-kulemesa.

2 Vimyene 12:9 Iomraidhean Croise

2 Vimyene 12:8

Co vaka-kukombelela vatavele ngeci kuvakatambula lalo vimbongo ku vanu nameme kuvwaesa Njuvo ya Shukulu Kalunga.

2 Vimyene 22:4

“Ya kuli Hilikiya Muka-kukombelela Wakama ukatambule muzimbu wa vimbongo vivanatambula kuli vanu vaka-kukombelela vaje vakapanga ku cikolo ca ku Njuvo ya Shukulu Kalunga.

2 Vimyene 23:4

Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

2 Vimyene 25:18

Co Nevuzalandane muka-kushika mashwalale, wakwatele Selaya Muka-kukombelela Wakama, na Zefaniya muka-kukombelela wakwata kuli Muka-kukombelela Wakama, na vamyata vatatu va vulemu va mu Njuvo ya Shukulu Kalunga.

1 Mizimbu 15:18

Co vaangwile lalo vandolome vavo ngeci vavakwase mu cipangi eci, mazina avo, Zekaliya, na Njaziyele, na Shemilamote, na Njehiyele, na Uni, na Elyave, na Maseya, na Mbenaya, na Matitiya, na Elifelehu, na Mikeneya, na Ovende Endome, na Njeyele.

1 Mizimbu 15:24

Co vaka-kukombelela, Shembaniya, na Njosifate, na Netanela, na Amasai, na Zekaliya, na Mbenaya, na Elyazale, vavaangwile kupwa vaka-kwimba malupembo kulutwe lwa Cikasa ca Cikumiiyo.

Myaso 84:10

Litangwa limo lyakukala mu Njuvo yove, lyalivwa kutuvakana matangwa 1,000 akukala kweka, mwamuvwa kuli yange kupwa muka-kunyunga ku cikolo ca njuvo ya Njambi yange, kutuvakana kukala mu membo a vaka-vuvi.

Njelemiya 35:4

co njavanenele ku Njuvo ya Shukulu Kalunga. Njavatwalele ku mulili wa Hanane muka-kwimanena muna Ingendaliya. Mulili ou wakele kuyehi na milili ya vamyata vakwavo, co mulili wa Hanane muka-kwimanena wakele akamwa ya mulili wa Maseya muna Shalume, uje wapwile mwata wakama mu Njuvo ya Shukulu Kalunga.

Njelemiya 52:24

Co Nevuzalandane, muka-kushika mashwalale, wakwatele Selaya Muka-kukombelela Wakama, na Zefaniya muka-kukombelela wakwata kuli Muka-kukombelela Wakama na vamyata vatatu va vulemu va mu Njuvo ya Shukulu Kalunga.

Mako 12:41

Co Yesu watumbamene kuyehi na Njuvo ya Shukulu Kalunga kuje kwakutambwila mulambu, wakele nakukengelela vanu omo vakele nakulambula vimbongo vyavo mu mbango. Vaka-kufuka vavangi vakele nakulambula vimbongo vyavingi,

Luka 21:1

Yesu wakengezekele, co wamwene vaka-kufuka valinakulambula vwana vwavo mu mbango ya mu Njuvo ya Shukulu Kalunga,