2 Vimyene 12:4 - Livulu lya Shukulu Kalunga

⁴ Yowashe wasanene vaka-kwimanena, co wavashikile ngeci vatulike vimbongo vije vakele nakunena vanu mu Njuvo ya Shukulu Kalunga mukufweta akukombelela, amo na vimbongo vya n̄ombelo ya simbu yoshe na vimbongo vije vivaanene kupwa vwana vwa cizango.

2 Vimyene 12:4 Iomraidhean Croise

1 Vimyene 3:2

Vanu vakele nakukombelela vin̄ombelo a mitula yakuliseza-seza, te kanda vacitungile Shukulu Kalunga Njuvo.

1 Vimyene 3:3

Solomoni wazemene Shukulu Kalunga, co wakavele mashiko a ishe Ndaviti, oloni watsiile lalo vimuna nakuvakombelela kupwa vin̄ombelo a mitula yakuliseza-seza.

1 Vimyene 7:1

Solomoni watungile lalo lipela lyendi vavenya, walitungile myaka likumi na itatu.

2 Vimyene 12:18

Mwene Yowashe wa mu Yunda wambatele vyuma vyoshe vije Njosefati na Njeholame na Ahaziya vanu vaje vaingile, vavikundikile kuli Shukulu Kalunga, kuwezelelako na vyuma vyendi vavenya, na ngolinde yoshe ije yakele mu mbango ya Njuvo ya Shukulu Kalunga na mu lipela, co wavitumine vyoshe kupwa vwana kuli Mwene Hazayele, co ikeye watundisile mashwalale vendi mu Yelusalema.

2 Vimyene 12:5

Muka-kukombelela woshe napande kukala na moko ya vimbongo vije vivanenele vaje vaapangelele, co vije vimbongo vavipangesele mukuvwaesesa Njuvo ya Shukulu Kalunga kwoshe kuje vashakele kuvwaesa.

2 Vimyene 14:4

Katundisile ije mitambela vakele nakulemesela vaje vaka-kujeneka kukulaela, co vanu vakele nakukombelelako vin̄ombelo nakwenyekelako insense.

2 Vimyene 15:4

Oloni kanyongesele mitambela ije vakele nakulemesela vaje vaka-kujeneka kukulaela. Co vanu vakele nakukombelelako vin̄ombelo nakwenyekelako insense.

2 Vimyene 16:4

Oloni Ahaze wakombelelele vin̄ombelo nakwenyekela insense ku mitambela kuje vakele nakulemesela vaje vaka-kujeneka kukulaela, a malundu, na mwisi ya minzinze yoshe ya miti.

2 Vimyene 17:11

co venyekelele insense a mitula yoshe ya vaka-kujeneka kukulaela, kukavangeya vilinga vya vanu vaje vaashekele Shukulu Kalunga mu lifuti. Co vashangumwine vukale vwa Shukulu Kalunga a vilinga vyavo vyavivi,

2 Vimyene 22:4

“Ya kuli Hilikiya Muka-kukombelela Wakama ukatambule muzimbu wa vimbongo vivanatambula kuli vanu vaka-kukombelela vaje vakapanga ku cikolo ca ku Njuvo ya Shukulu Kalunga.

1 Mizimbu 18:11

Co Mwene Ndaviti wavukundikile kuli Shukulu Kalunga mukuvupangesa akulemesa, amo na siliva, na ngolinde ije ku miyati ije yafungulwile, miyati ya vaEndome, na vaMowavi, na vaAmoni, na vaFilisitiya, na vaAmaleke.

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

2 Mizimbu 15:18

Co waakele mu Njuvo ya Shukulu Kalunga vyuma vyoshe vije vyakundikile ishe Aviya kuli Njambi, na vyuma lalo vya ngolinde na siliva vije vyakundikile ikeye vavenya.

2 Mizimbu 31:12

co vaakelemo vwana vwoshe na cavulikumi ngeci vavinyungilemo. Co vaangwile kaLevi umo lizina lyendi Konaniya ikeye wapwile mukulunu wakuvinyunga, co ndolome yendi Shimei wapwile wakumwata.

2 Mizimbu 35:2

Co mwene waanene vaka-kukombelela vipangi vya mu Njuvo ya Shukulu Kalunga, nakuvaleka ngeci vapange mwamuvwa.

Ezela 1:6

Vandambo vavo voshe vavakwasele, co vavaanene vyuma vyavingi, malonga a siliva, na ngolinde, na vivala, na vimuna vakwambata vivala, na vyuma vikwavo lalo vya seo, na vin̄ombelo vya mu Njuvo ya Shukulu Kalunga.

Ezela 2:69

Vaanene vyavingi manene ku vipangi vije ngwe muvaselele, co vyoshe vyapwile makilo 500 a ngolinde na makilo 2,800 a siliva na vuzalo vwa vulaja vwa vaka-kukombelela vwapwile 100.

Ezela 7:16

Co lalo unapande kwambata siliva na ngolinde yoshe ije imunalambula mu lifuti lya Mbambilone na milambu ije ivakana vanu va Isalele na vaka-kukombelela vavo ku Njuvo ya Shukulu Kalunga Njambi yavo mu Yelusalema.

Kutuuka 35:22

Voshe vaje vatavele kulambula na mbunge yoshe, vanalume na vanakazi, vanenele vimande vyakuvalama, na vimbilingwa, na tunzeya, na sungu na vyuma vyoshe vya ngolinde, co vavikundikile kuli Shukulu Kalunga.

Kutuuka 35:29

Co vanu voshe va Isalele, vanalume na vanakazi, vaje vimbunge vyavo vyavasindiiye, vanenele milambu yavo ya cizango kuli Shukulu Kalunga yakupangesa vipangi vyoshe ngwe muje mwashikile Shukulu Kalunga Mosesa kulingamo.

Kutuuka 35:5

Lambuleni kuli Shukulu Kalunga. Munu woshe uje ashaka kulinga ngacije alambule ngolinde, na siliva, na vunengu,

Kutuuka 36:3

Co vatambwile milambu yoshe ije ivanenele vaIsalele mukutungisa Mbalaka yakujela. Oloni vanu va Isalele vakele nakunena milambu yavo kuli Mosesa a mutondo a mutondo.

VaLevi 27:31

Nga munu ashaka kupatulako cimo camulikumi, ikeye napande kuwezelelao litambelo lya makumi avali.

Luka 21:4

Omwo veka vanakala nakulambula vyakusalao ku vufuko vwavo, oloni ikeye nalambula vyose vyanakele navyo ngwe ku vuutu vwendi, nalambula vyoshe vyanakele navyo vyakulikwasa navyo.”