2 Vimyene 12:21 - Livulu lya Shukulu Kalunga

²¹ Njozakale muna Shimete na Yehozavande muna Shomele, vakevo vamyata vendi vamutsiile. Vamutsindile mu vimbumbo vya vumwene mu Nganda ya Ndaviti, co munendi Amaziya wamushwanene kupwa mwene.

2 Vimyene 12:21 Iomraidhean Croise

2 Samwele 5:9

Omo nafungulula laja cije cimpaka cakukola, co Ndaviti wakelemo wacilukile ngwendi, “Nganda ya Ndaviti.” Watungilileko cimpaka, kushangumukila ku mutambela kuje kwakele livu ku mutambela wa mu ngangela ku lilundu.

1 Vimyene 15:27

Mbasha muna Ahiya, wa ku muyati wa Isakale, wendele vungungu Nandave nakumutsiya omo Nandave na mashwalale vendi vakele nakulwisa nganda ya Ngimbetone mu Filisitiya.

2 Vimyene 10:9

Co alikaki mutondo, Yehu waile ku cikolo ca nganda wendekele kuli vanu vaje vakele kuje ngwendi, “Yange vene njatumbile vutumbe vwakulwisa Mwene Njolame nakumutsiya, yeni kumwesi na mulonga wai. Oloni iyajo natsii vanu voshe ava?

2 Vimyene 13:1

Mu mwaka wamumakumi avali na itatu wakushwana kwa Yowashe muna Ahaziya kupwa mwene wa mu Yunda, Njehoahaze muna Yehu wapwile mwene wa mu Isalele, co washwanene mu Samaliya myaka likumi na itanu na ivali.

2 Vimyene 14:1

Mu mwaka wamucivali omo Yehowashe muna Njehoahaze wapwile mwene wa mu Isalele, co Amaziya muna Yowashe wapwile mwene wa mu Yunda,

2 Vimyene 14:19

Co mu Yelusalema mwakele vutumbe vwakutsiya Amaziya, ngecivene, watewelele ku nganda ya Lakishe, oloni vitozi vendi vamukavele, co vamutsiilile kuje vene.

2 Vimyene 14:5

Omo vumwene vwa Amaziya vwakolele na nzili, co watsiile vamyata vaje vatsiile ishe, Mwene Yowashe.

2 Vimyene 15:10

Shalume muna Njambeshe watengulukilile Mwene Zekaliya nakumulwisa, co wamutsiilile ku Imbelyame, co wamushwanene kupwa mwene.

2 Vimyene 9:14

Yehu muna Njosefati mutekulu wa Nimeshi watumbilile vutumbe Mwene Njolame, Njolame na vaIsalele vakele nakunyunga Lamote mu Ngilyande omwo ya Mwene Hazayele.

2 Vimyene 9:27

Mwene Ahaziya wamwene vije vyalingiwile, ngecivene, watewelele ku nganda ya Mbete Hangane mu litemba lyendi, oloni Yehu wamushekele nakumuwana, washikile vanu vendi ngwendi, “Nendi lalo mutsiyeni!” Co vamwashele mukili omo wakele nakwendesa litemba lyendi mu ngila yakulamata ku Ngule, kuyehi na nganda ya Imbelyange. Oloni watewele manene noo wetele ku nganda ya Mengindo, co kuje vene watsile.

2 Mizimbu 24:25

Yowashe wavetwele manene, omo vitozi vaile, vamyata vendi vavali vamukele munga yakumulwisa, co vamutsiilile mu mulili wendi, omwo ikeye Yowashe watsiile vana va Yehoyanda muka-kukombelela. Vamutsindile mu Nganda ya Ndaviti, oloni kesi mu vimbumbo vya vumwene.