2 Vimyene 12:18 - Livulu lya Shukulu Kalunga

¹⁸ Mwene Yowashe wa mu Yunda wambatele vyuma vyoshe vije Njosefati na Njeholame na Ahaziya vanu vaje vaingile, vavikundikile kuli Shukulu Kalunga, kuwezelelako na vyuma vyendi vavenya, na ngolinde yoshe ije yakele mu mbango ya Njuvo ya Shukulu Kalunga na mu lipela, co wavitumine vyoshe kupwa vwana kuli Mwene Hazayele, co ikeye watundisile mashwalale vendi mu Yelusalema.

2 Vimyene 12:18 Iomraidhean Croise

1 Vimyene 14:26

Wambatele vufuko vwoshe vwa mu Njuvo ya Shukulu Kalunga novu vwa mu lipela, amo na vintelo vya ngolinde vije vyafulile Solomoni.

1 Vimyene 15:18

Ngecivene, Mwene Asa wambatele siliva yoshe na ngolinde vije vyasalele mu Njuvo ya Shukulu Kalunga na mu lipela, co wavitumine na vamo vamyata vendi ku Ndamasiku, kuli Mwene Mbenehandande wa ku Silya, muna Tambelimone na mutekulu wa Heziyone, na majwi awa ngwendi,

2 Vimyene 12:19

Vyuma vyeka vije vyalingile Mwene Yowashe vavisoneka mu Livulu lya Mizimbu ya Vimyene va mu Yunda.

2 Vimyene 12:4

Yowashe wasanene vaka-kwimanena, co wavashikile ngeci vatulike vimbongo vije vakele nakunena vanu mu Njuvo ya Shukulu Kalunga mukufweta akukombelela, amo na vimbongo vya n̄ombelo ya simbu yoshe na vimbongo vije vivaanene kupwa vwana vwa cizango.

2 Vimyene 14:14

Co wambatele siliva na ngolinde yoshe ije yawanene, na vivala vyoshe vya mu Njuvo ya Shukulu Kalunga na vufuko vwoshe vwa mu lipela, wavitwalele ku Samaliya. Co ikeye lalo waile amo na vinzinda vamo.

2 Vimyene 16:8

Ahaze wambatele siliva na ngolinde ya mu Njuvo ya Shukulu Kalunga na vufuko vwa mu lipela, co wavitumine kupwa vwana kuli mwene wa Silya.

2 Vimyene 8:12

Co Hazayele wamwihwile ngwendi, “Omwo vikajo ulinakulila shukulu?” Elisha wamukumbulwile ngwendi, “Omwo njazivuka vuvi vuukalinga kuli vanu va Isalele. Ukenyeka vimpaka vyavo, nakutsiya vakwenje na moko ya mukwale, nakumwakwila kuti vana vavo, nakutavula mu memo a vanakazi vavo.”

2 Mizimbu 16:2

Ngecivene, Asa wambatele siliva na ngolinde vije vyakele mu Njuvo ya Shukulu Kalunga na mu lipela, co wavitumine ku Ndamasiku, kuli Mwene Mbenehandande wa ku Silya, wendekele ngwendi,

2 Mizimbu 24:17

Oloni omo Yehoyanda natsi laja, co vantwama va mu Yunda vasindiiye Mwene Yowashe ngeci atolilile kuli vakevo.

Njwele 3:5

Munambata siliva yange na ngolinde, co munatwala vufuko vwange mu vinjuvo vya vinjambi veni.