2 Vimyene 11:4 - Livulu lya Shukulu Kalunga

⁴ Oloni mu mwaka wamucitanu na ivali Yehoyanda muka-kukombelela wasanene vantwama vaje vanyungile mwene na vaje vanyungile lipela, wavalekele ngeci vaije ku Njuvo ya Shukulu Kalunga, co walikumiiye cikumiiyo navo nakuvasingisa mu Njuvo ya Shukulu Kalunga a vije vyayongwele kulinga. Co wavamwesele Yowashe muna Mwene Ahaziya,

2 Vimyene 11:4 Iomraidhean Croise

Kushangumuka 50:25

Asinoni Yosefa wehwile vandolome vendi ngeci valisinge. Co wendekele ngwendi, “Njikulaeseni ngeci omo Njambi akamitundisa mu lifuti lino, mukambate muvila wange.”

2 Samwele 20:23

Yowave wapwile muka-kushika mashwalale voshe va mu Isalele, Mbenaya muna Yehoyanda wapwile mukulunu wa vaka-kunyunga Ndaviti,

2 Samwele 8:18

Mbenaya muna Yehoyanda wapwile muka-kushika vaKelete, na vaPelete va ku lipela lya Ndaviti, co vana va Ndaviti vapwile vaka-kukombelela.

1 Vimyene 14:27

Co akwingisamo vyeka, Mwene Lehovowame wafulile vintelo vya vunengu, co wavyanene kuli vamyata vaka-kunyunga ku vikolo vya lipela.

1 Vimyene 18:10

Njilisinga mu lizina lya Shukulu Kalunga, Njambi yove wakuyoya ngwange mwene nalanya cilanyo caali yove mu lifuti lyoshe lya mu kaye. Oshe aje muka-kushwana wa lifuti lika nambe lika alinga vukaleo ngeci kuwesimo mu lifuti lyendi, co Ahave ehula uje muka-kushwana alisinge ngeci kuvasa kukuwana.

2 Vimyene 11:17

Yehoyanda wakolesele cikumiiyo akati ka Shukulu Kalunga na mwene amo na vanu ngeci vapwe vanu va Shukulu Kalunga, co lalo walikumiiye cikumiiyo akati ka mwene na vanu.

2 Vimyene 11:19

asinoni ikeye na vamyata na vaka-kunyunga mwene na vaka-kunyunga lipela, vasindikiiye mwene kutunda ku Njuvo ya Shukulu Kalunga kuya ku lipela, co vanu voshe vavakavele. Co Yowashe wakovelelele ku Cikolo ca Vaka-kunyunga, co watumbamene a litanda.

2 Vimyene 11:3

Njehoshemba walelele uje mwanike myaka itanu na umo, wamushwekele nakumunyungila mu Njuvo ya Shukulu Kalunga, a simbu ije omo Ataliya wapwile vamwene.

2 Vimyene 11:9

Co vaje vamyata vononokele mashiko a Yehoyanda, vanenele vanu vavo kuli ikeye, vaje vaile nakuhwima a Litangwa Lyakuhwima na vaje vaile ku vipangi a litangwa lije vene.

2 Vimyene 12:7

Ngecivene, Yowashe wasanene Yehoyanda na vakwavo vaka-kukombelela, co wavehwile ngwendi, “Omwo vikajo kumwavwaeselele Njuvo ya Shukulu Kalunga? Kutunda ano kumukatulika lalo vimbongo vije mukatambula, oloni munapande kuvyeca, ngeci vase kulikwasa navyo mukuvwaesa Njuvo ya Shukulu Kalunga.”

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

1 Mizimbu 9:13

Co vaka-kukombelela vaje vapwile vakulunu mu naanga yavo vapwile 1,760, ava vapwile vatongwe ku vipangi vyoshe vije vyalingiwile mu Njuvo ya Shukulu Kalunga.

2 Mizimbu 15:12

Co valikumiiye cikumiiyo cakulemesa Shukulu Kalunga, Njambi ya vakukulwila vavo, na mbunge yavo yoshe na mwonyo wavo woshe.

2 Mizimbu 29:10

“Co ololo njinayongola kulinga cikumiiyo na Shukulu Kalunga, Njambi ya Isalele, ngeci kesi atuluvalele lalo.

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Nehemiya 5:12

Co vantwama vakumbulwile ngwavo, “Tukalinga ngwe muunendeka. Tukavelwisila vufuko vwavo, co kutukatambula makongo.” Co njasanene vaka-kukombelela na vantwama ngeci valisinge ku mesho avo, mukunyunga cikulaeso cije civanalingi.

Nehemiya 9:38

Omwo a evi vyoshe vije vinalingiwa, yetu vanu va Isalele, tulinakulinga lizivasano lyakukola lyakusoneka, co vantwama vetu, na vaLevi vetu, na vaka-kukombelela vetu vasateleo visateso vyavo.

Vilinga vya Miluwa 5:24

Omo vakulunu va vaka-kukombelela na mukulunu wa vaka-kunyunga Njuvo ya Shukulu Kalunga vazivile vyuma evi, valikomokelele manene ngwavo cuma muka cinalingiwa kuli miluwa.

Vilinga vya Miluwa 5:26

Ngecivene, uje mukulunu wa vaka-kunyunga Njuvo ya Shukulu Kalunga waile na vanu vendi wakashakele miluwa. Kuvakapangesele nzili omwo vazivile lyova ngwavo amo vanu vavasha mamanya.

Yoshwa 24:25

Ngecivene, Yoshwa walikumiiye cikumiiyo na vanu va Isalele a litangwa lije, co kuje vene ku Shekeme wavaanene vilongesa na mashiko ngeci vaakave.

1 Samwele 18:3

Co Yonatana walikumiiye cikumiiyo na Ndaviti omwo wamuzemene manene ngwe mwalizema ikeye vavenya.

1 Samwele 23:18

Co muvuvali vwavo valikumiiye cikumiiyo cakujela ku mesho a Shukulu Kalunga. Co Ndaviti welukile ku Holeshe, Yonatana welukile kwimbo.