2 Vimyene 11:19 - Livulu lya Shukulu Kalunga

¹⁹ asinoni ikeye na vamyata na vaka-kunyunga mwene na vaka-kunyunga lipela, vasindikiiye mwene kutunda ku Njuvo ya Shukulu Kalunga kuya ku lipela, co vanu voshe vavakavele. Co Yowashe wakovelelele ku Cikolo ca Vaka-kunyunga, co watumbamene a litanda.

2 Vimyene 11:19 Iomraidhean Croise

Kushangumuka 37:36

A simbu ije, omo vaMindyani vetele mu Ingito valandesele Yosefa kuli Potifalo, uje wapwile umo wa vamyata va mwene, mukulunu wa mashwalale wa ku lipela.

1 Vimyene 1:13

Zambula uye kuli Mwene Ndaviti nakumwihula ngwove, ‘Shukulu, kuma kuwalisingile nange ngeci munange Solomoni ikeye akakushwana kupwa mwene ndi? Co cinaija vatijo ngeci Andoniya apwe mwene?’ ”

1 Vimyene 14:27

Co akwingisamo vyeka, Mwene Lehovowame wafulile vintelo vya vunengu, co wavyanene kuli vamyata vaka-kunyunga ku vikolo vya lipela.

1 Mizimbu 29:23

Ngecivene, Solomoni washwanene a litanda lya ishe Ndaviti, lije lyamuvwaeselele Shukulu Kalunga. Co ikeye wapwile mwene wakuvezika, muyati woshe wa Isalele vamwononokele.

2 Mizimbu 23:19

Yehoyanda waangwile lalo vaka-vipangi vyakunyunga ku vikolo vya Njuvo ya Shukulu Kalunga ngeci vaje kuvajelele kesi vakovelemo.

2 Mizimbu 23:20

Co vamyata va mbunga ya mashwalale, na vanu va vulemu, na vamyata, na vanu voshe valipandakanene na Yehoyanda kusindikiya mwene kutunda ku Njuvo ya Shukulu Kalunga kuya ku lipela. Co vakovelelele ku cikolo cakama, vatumbikile mwene a litanda.

2 Mizimbu 23:5

na litambelo likwavo lyamucitatu vanyunge lipela, vaje voshe vakasalao vakatumbama ku Cikolo ca Luvula. Co vanu voshe vakakungulukila mu cipango ca ku Njuvo ya Shukulu Kalunga.

Njelemiya 17:25

Nga mwononoka, co vimyene na vana va vimyene va vanalume, va ku naanga ya Ndaviti vakakovela mu vikolo vya Yelusalema, vakashwana, vakalonda a matemba na a tuvalu, co vanu va mu Yunda na vanu va mu Yelusalema vakakala amo navo, nganda ya Yelusalema ikakala na vanu simbu yoshe.

Njelemiya 22:30

Shukulu Kalunga nendeka ngwendi, “Munalume ou kakakala na vana, kakavezika mukuyoya kwendi kwoshe. Kakakala na vatekulwila, vaje vakamushwana mu Yunda kushwana a litanda lya Ndaviti. Yange Kalunga, njinendekamo.”

Njelemiya 22:4

Nga mwa vushunga mulinga ngwe munjinamishika, co vatekulwila va Ndaviti vakapwa vimyene simbu yoshe. Amolika na vamyata vavo, na vanu vavo, vakaita-ita mu vikolo vya lipela mu matemba, na a tuvalu.

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.