2 Vimyene 11:18 - Livulu lya Shukulu Kalunga

¹⁸ Asinoni vanu vaile ku njuvo ya Mbale nakuyisiwula, vashandwele mitula, na tumponya, co vatsiilile Matane, muka-kukombelela wa Mbale, kulutwe lwa mitula. Co Yehoyanda waakele vaka-kunyunga ku Njuvo ya Shukulu Kalunga,

2 Vimyene 11:18 Iomraidhean Croise

1 Vimyene 18:40

Elinja washikile ngwendi, “Kwateni vaka-kwimanena va Mbale, kesi mutave nambe umo wavo atewe!” Co vanu vavakwatele voshe, Elinja wavashelumwisile ku Ndonga ya Kishone, co wavatsiile.

2 Vimyene 10:21

Yehu watumine lijwi mu lifuti lyoshe lya Isalele. Voshe vaje valemesele Mbale vezile, naumo wai walikelele. Voshe vakovelele mu njuvo yakulemesela Mbale, co yashulile mbe kutunda ku shongo imo nakweta ku shongo ikwavo.

2 Vimyene 10:25

Co omo Yehu wamanesele kukombelela vin̄ombelo, wendekele kuli vaka-kunyunga na kuli vamyata ngwendi, “Kovelenimo muvatsiye voshe, kesi muputwiseo umo embwe!” Co vakovelelemo na mikwale yakushomwena cimweja, vavatsiile voshe, vakokelele mivila yavo anja. Co vakovelele mu njuvo ya Mbale yakujela ya mukati,

2 Vimyene 10:26

vatundisilemo manda yakujela ije yakele muje, vayenyekele.

2 Vimyene 10:27

Ngecivene, vanyongesele ije manda yakujela na njuvo ya kulemesela Mbale, co vatengulwile ije njuvo yakulemesela Mbale kuyipwisa mbushu kweta na ku litangwa lya lelo.

2 Vimyene 18:4

Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Vimyene 23:10

Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

2 Vimyene 23:14

Mwene Yosiya wasiwile vimanda vya mamanya mu vimbazuvwila, wasiwile vifwa vya Ashela njambi wa munakazi, co a livu aje vemanene wafwikileo vitsiya vya vanu.

2 Vimyene 23:20

Watsiilile vaka-kukombelela voshe vaje vaka-kujeneka kukulaela a mitula aje vakele nakupangela, co wenyekelele vitsiya vya vanu a mutula na mutula. Asinoni welukile ku Yelusalema.

2 Mizimbu 21:17

Vezile nakulwisa Yunda, co vapukwile vufuko vwoshe vuvawanene mu lipela, co vatwalele vunzinda mashano va mwene voshe na vana vendi voshe kuvanga Ahaziya, munendi wa mutinikila ikeye lika wasaleleo.

2 Mizimbu 34:4

Akushika kwendi, vanu vasiwile mitula ivalemeselele Mbale, na mitula ya insense. Co vatwile vunga vifwa vya Ashela, na tumponya tukwavo twoshe, asinoni vakuvile lije lito a vimbumbo vya vanu vaje vakele nakuvakombelela.

2 Mizimbu 34:7

Mu lifuti lyoshe lya Vumwene vwa ku Kunto wasiwile mitula na vifwa vya Ashela, co watwile tumponya vunga, wapujwile mitula yoshe ya insense mu vimbazuvwila, asinoni welukile ku Yelusalema.

Kutuuka 32:20

Ngecivene, wanonele uje muna ngombe wa nkomba yamungile Alone, wamwenyekele, co wamutwile vunga, wavushingile na mema. Asinoni wavunwisile vanu va Isalele.

Isaya 2:18

co vinjambi va tumponya vakahwa, co a litangwa lije, vakashangazala lika Shukulu Kalunga.

Kwituluka mu Mashiko 12:2

Mu lifuti lije limukashwana mukanyongesa myela yoshe ije vakalemesela vanu vinjambi vavo a minkinda, na a malundu, na mu minzinze ya miti.

Kwituluka mu Mashiko 12:3

Co mukasiwula mitula yavo nakupujula vimanda vyavo vya mamanya, nakwenyeka viti vyakulemesela Ashela njambi yavo wa munakazi, nakupokozola tumponya twakushonga twa vinjambi vavo, nakuzimangana lizina lyavo mu myela ije yakulemesela.

Kwituluka mu Mashiko 13:10

Mukamutsiye na mamanya omwo ikeye nesekele kumitundisa kuli Shukulu Kalunga Njambi yeni, uje wamitundisile ku Ingito, kuje mwakele mu vunzinda.

Kwituluka mu Mashiko 13:5

Oloni mukatsiye muka-kunungulula vinjozi nambe muka-kwimanena, uje akamileka kutengulukila Shukulu Kalunga Njambi yeni, uje wamitundisile mu lifuti lya Ingito nakumipatula ku vunzinda. Munu wa cifwa cangacije akamitangula ku ngila ije yamishikile Shukulu Kalunga Njambi yeni kwendamo. Munapande kumutsiya, ngeci mukatundise vuvi vuje vuli akati keni.

Kwituluka mu Mashiko 13:6

“Nga ndolome yove, nambe munove wa munalume, nambe munove wa munakazi, nambe munakazi wove iwazema, nambe musamba wove wa a mbunge akushongangeya ngeci mulemese vinjambi veka, vaje yeni na vakukulwila veni kumwalemesele.

Kwituluka mu Mashiko 13:9

Oloni mukamutsiye. Pweni vakulivanga kumwasha mamanya, asinoni munu na munu akamwashe mamanya.