2 Vimyene 10:9 - Livulu lya Shukulu Kalunga

⁹ Co alikaki mutondo, Yehu waile ku cikolo ca nganda wendekele kuli vanu vaje vakele kuje ngwendi, “Yange vene njatumbile vutumbe vwakulwisa Mwene Njolame nakumutsiya, yeni kumwesi na mulonga wai. Oloni iyajo natsii vanu voshe ava?

2 Vimyene 10:9 Iomraidhean Croise

2 Vimyene 10:6

Co Yehu wavasonekelele mukanda ukwavo ngwendi, “Nga munemana amo nange, co munononoka mashiko ange, neneni mitwe ya vatekulwila va Mwene Ahave kuli yange kuno ku Njezelele a simbu ino vene imene.” Co vatekulwila va Mwene Ahave vapwile makumi atanu na avali, vavanyungile kuli vakulunu va mu Samaliya, vakevo vavalelele.

2 Vimyene 10:8

Muluwa wezile walekele Yehu ngwendi, “Mitwe ya vatekulwila va Ahave vanainena,” co wavashikile ngeci vayake mu mitumbo ivali ku cikolo ca nganda, vaiseze kuje noo imene mutondo.

2 Vimyene 12:21

Njozakale muna Shimete na Yehozavande muna Shomele, vakevo vamyata vendi vamutsiile. Vamutsindile mu vimbumbo vya vumwene mu Nganda ya Ndaviti, co munendi Amaziya wamushwanene kupwa mwene.

Isaya 5:3

Musamba wange alinakwendeka ngwendi, “Yeni vandambo va mu Yelusalema neni muli mu Yunda, sompeni akati kange na citungu cange ca mikolovozi ya vushuka vwa vinyu.

Hoziya 1:4

Shukulu Kalunga wendekele kuli Hoziya ngwendi, “Muluke lizina ngwove ‘Njezelele,’ omwo kumuketi simbu yakama omo njikanyanyamesa mwene wa Isalele akutsiya kuje kwalingile kukulwila yendi Yehu ku Njezelele. Co njikamanesa vumwene vwa Yehu.

1 Samwele 12:3

Yange uno. Nga kuli cuma cimo njamiviisilile, citumbuleni ololo ku mesho a Shukulu Kalunga na ku mesho a mwene ou yanaangula. Kwali munu umo injanyekele ngombe yendi wa lwavo nambe cimulu? Indi kwali munu umo injakwisile nambe injayandesele? Indi kwali munu umo injatavele kutambula vimbongo vya lizika-kanwa? Nga njalingileo cuma cimo, co njiilwise vije njatambwile.”