2 Vimyene 10:7 - Livulu lya Shukulu Kalunga

⁷ Omo vatambwile mukanda wa Yehu, co vakulunu va mu Samaliya vatsiile vatekulwila voshe va Ahave makumi atanu na avali, vaakele mitwe yavo mu mitonga, co vaitumine ku Njezelele kuli Yehu.

2 Vimyene 10:7 Iomraidhean Croise

1 Vimyene 21:19

Muleke ngwove yange, Kalunga, njendeka kuli ikeye ngwange, ‘Kuma omo unatsii munu, co ulyambatela na vufuko vwendi lalo ndi?’ Muleke ngwove evi vikevyo njinendeka yange ngwange, ‘Mu mwela umolika vene uvanakacwila tutali maninga a Navote mukemwo lalo vakakacwila maninga ove!’ ”

1 Vimyene 21:21

Ngecivene, Shukulu Kalunga nendeka kuli yove ngwendi, ‘Njikakuhisa yove na vanalume, na vakwenje voshe va mu naanga yove vakatsa.

2 Vimyene 10:6

Co Yehu wavasonekelele mukanda ukwavo ngwendi, “Nga munemana amo nange, co munononoka mashiko ange, neneni mitwe ya vatekulwila va Mwene Ahave kuli yange kuno ku Njezelele a simbu ino vene imene.” Co vatekulwila va Mwene Ahave vapwile makumi atanu na avali, vavanyungile kuli vakulunu va mu Samaliya, vakevo vavalelele.

2 Vimyene 10:8

Muluwa wezile walekele Yehu ngwendi, “Mitwe ya vatekulwila va Ahave vanainena,” co wavashikile ngeci vayake mu mitumbo ivali ku cikolo ca nganda, vaiseze kuje noo imene mutondo.

2 Vimyene 10:9

Co alikaki mutondo, Yehu waile ku cikolo ca nganda wendekele kuli vanu vaje vakele kuje ngwendi, “Yange vene njatumbile vutumbe vwakulwisa Mwene Njolame nakumutsiya, yeni kumwesi na mulonga wai. Oloni iyajo natsii vanu voshe ava?

2 Vimyene 11:1

Omo Ataliya vaina ya Mwene Ahaziya wazivile a kutsa kwa munendi, co washikile ngeci vatsiye vanu voshe va ku naanga ya vumwene.

2 Mizimbu 21:4

Omo Njeholame washwanene, co watsiile vishongo vendi voshe, amo na vamyata vamo va vaIsalele.