2 Vimyene 10:31 - Livulu lya Shukulu Kalunga

³¹ Nameme ngoco, Yehu kononokele na mbunge yendi yoshe mashiko a Shukulu Kalunga, Njambi ya Isalele, oloni wakavangeyeye vilinga vyavivi vya Yelovowame, uje watwamenenene Isalele mu vuvi.

2 Vimyene 10:31 Iomraidhean Croise

1 Vimyene 14:16

Shukulu Kalunga akaseza Isalele omwo Yelovowame nalingi vuvi nakutwamenena vanu va Isalele mu vuvi.”

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

2 Vimyene 10:29

Oloni watembunwinine vuvi vwa Mwene Yelovowame, uje watwamenenene Isalele nakuvakovelesa mu vuvi vwakulemesa tumponya twa ngolinde twa vana va vingombe tuje vashimbikile mu Mbetele na mu Ndani.

2 Vimyene 17:22

Vakavangeyeye Yelovowame na vilinga vyoshe vyavivi vije vyalingile,

2 Vimyene 3:3

Oloni wapwile ngwe Mwene Yelovowame muna Nembate uje washwanene akulivanga, ikeye watwamenenene Isalele mu vuvi, co ikeye kalikelele kulinga vuvi.

2 Mizimbu 6:16

Ngecivene, ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa Mashiko ove ngwe mwalingile ikeye.

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Myaso 119:9

Mukwenje asa kuyoya vatijo yoyesi yakujela? Mukwononoka mashiko ove Shukulu Kalunga.

Myaso 39:1

Njendekele ngwange, “Njikanyunga vingila vyange, co kunjikatavesa ndaka yange injilingise vuvi, kunjikendeka cuma cimo omo vaka-vuvi vali muyehi.”

Myaso 78:10

Vakevo kuvanyungile cikumiiyo cavo na Njambi, vavyanene kwononoka mashiko endi.

Visimo 4:23

Nyunga viyongola vyove, omwo viyongola vyove vikevyo kavwelu-vwelu ka mwonyo.

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Ndanyele 9:10

Kutwononokele kuli yove Shukulu Kalunga Njambi yetu, omo watulekele kuyoya mu mashiko ove aje awatwanene ali vangamba vove vaka-kwimanena.

Kwituluka mu Mashiko 4:15

“Anukeni simbu ije omo Shukulu Kalunga wendekele neni oku ali mukati ka tuhya ku Munkinda wa Sinai, mwazivile lijwi lyendi, oloni kumwamwene cifwa cendi embwe. Ngecivene, linyungeni.

Kwituluka mu Mashiko 4:23

Nyanyameni ngeci kesi mwivale cikumiiyo cije Shukulu Kalunga Njambi yeni walikumiiye neni. Co kesi mulishongele cifwa ca kamponya.

Kwituluka mu Mashiko 5:33

Ngecivene, ononokeni vije namishiki Shukulu Kalunga Njambi yeni ngeci mukayoye mwamuvwa nakuvezika nakutumisa matangwa eni mu lifuti lije mukashwana.

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

VaHevelu 2:1

Ngecivene, twapande kukakateya mbe ku vushunga vutunazivi, kutewa tukongumuka nakutunda ku vyuma evi.