2 Vimyene 10:30 - Livulu lya Shukulu Kalunga

³⁰ Shukulu Kalunga wendekele kuli Yehu ngwendi, “Unalingi ku naanga ya Ahave vyuma vyoshe vije njashakele ngeci uvilinge. Ngecivene, njikukulaesa ngwange vatekulwila vove vakapwa vimyene va mu Isalele, kweta ku cisemwa camuciwana.”

2 Vimyene 10:30 Iomraidhean Croise

1 Vimyene 20:42

Co uje muka-kwimanena wendekele kuli mwene ngwendi, “Shukulu Kalunga wakulekele ngeci utsiye Mbenehandande, oloni yove wamuputumwisile. Ngecivene, vakakutsiya kwinga mu mwela wendi na mashwalale vove vakavanyongesa omwo unatava mashwalale vendi vaputumuke.”

1 Vimyene 21:22

Naanga yove ikapwa ngwe naanga ya Mwene Yelovowame muna Nembate na naanga ya Mwene Mbasha muna Ahiya, omwo unashangumuna vukalu vwange akutwamenena Isalele mu vuvi.’

1 Vimyene 21:29

“Wamono Ahave mwanalikeesa ku mesho ange ndi? Omwo nalingi ngacije, kunjikamuhisa mu simbu yakuyoya kwendi, oloni njikanena vukalu a naanga ya Ahave a simbu yakuyoya kwa munendi.”

2 Vimyene 10:35

Yehu watsile, vamutsindile mu Samaliya, co munendi Yehohaze wamushwanene kupwa mwene.

2 Vimyene 13:1

Mu mwaka wamumakumi avali na itatu wakushwana kwa Yowashe muna Ahaziya kupwa mwene wa mu Yunda, Njehoahaze muna Yehu wapwile mwene wa mu Isalele, co washwanene mu Samaliya myaka likumi na itanu na ivali.

2 Vimyene 13:10

Mu mwaka wamumakumi atatu na itanu na ivali wakushwana kwa Mwene Yowashe wa mu Yunda, Yehowashe muna Njehoahaze wapwile mwene wa mu Isalele, co washwanene mu Samaliya myaka likumi na itanu na umo.

2 Vimyene 14:23

Mu mwaka wamulikumi na itanu omo Amaziya muna Yowashe wapwile mwene wa mu Yunda, co Yelovowame muna Yehowashe wapwile mwene wa mu Isalele, washwanene mu Samaliya myaka makumi awana na mwaka umo.

2 Vimyene 14:29

Yelovowame watsile, co vamutsindile mu vimbumbo vya vumwene, co munendi Zekaliya wamushwanene kupwa mwene.

Hoziya 1:4

Shukulu Kalunga wendekele kuli Hoziya ngwendi, “Muluke lizina ngwove ‘Njezelele,’ omwo kumuketi simbu yakama omo njikanyanyamesa mwene wa Isalele akutsiya kuje kwalingile kukulwila yendi Yehu ku Njezelele. Co njikamanesa vumwene vwa Yehu.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.