2 Vimyene 10:15 - Livulu lya Shukulu Kalunga

¹⁵ Yehu watundile kuje lalo, co a ngila waliwanene na Yonandave muna Lekave. Yehu wamukandelelele, co wendekele nendi ngwendi, “Nove nange twalikulaela, wasa kunjikwasa ndi?” Yonandave wamukumbulwile ngwendi, “Eyo, njasa.” Co Yehu wamukumbulwile ngwendi, “Njikwate mu livoko.” Ngecivene, valikwatele mu mavoko, co Yehu walondesele Yonandave mu litemba,

2 Vimyene 10:15 Iomraidhean Croise

Kushangumuka 31:55

Alikaki mutondo-tondo, Lambani watsembele vatekulyendi na vana vendi nakuvavezikisa, co walisalesele navo, welukile kwimbo lyendi.

Kushangumuka 47:10

Yakomba wavezikisile mwene lalo, co waile.

Kushangumuka 47:7

Asinoni Yosefa watwalele ishe Yakomba kuli mwene. Co Yakomba wavezikisile mwene.

1 Vimyene 20:33

Vamyata va Mbenehandande vakengelele cimweso cacivwa, omo Ahave wendekele ngwendi, “Ndolome,” co aje vene, vendekele ngwavo, “Yove unendeka, Mbenehandande napu ndolome yove!” Ahave washikile ngwendi, “Muneneni kuno kuli yange.” Omo Mbenehandande wetele, co Ahave wamulanyele kukovela mu litemba amo nendi.

2 Vimyene 10:13

waliwanene na vavushoko vwa Mwene Ahaziya wa mu Yunda, wavehwile ngwendi, “Yeni veyajo?” Vamukumbulwile ngwavo, “Tu vavushoko vwa Ahaziya. Tulinakuya ku Njezelele nakushunga vana va Vamwene Njezevele na naanga ya mwene yoshe.”

2 Vimyene 10:14

Co Yehu washikile vanu vendi ngwendi, “Vakwateni oku vayoya.” Co vavakwatele oku vayoya, co wavatsiilile kuyehi na mbulu yakele kuje. Co voshe vapwile makumi awana na vavali, co naumo wai wa ali vakevo wasaleleo na mwonyo.

2 Vimyene 9:21

Mwene Njolame washikile ngwendi, “Njivwaeseleni litemba lyange.” Co valivwaesele, aje vene ikeye na Mwene Ahaziya valondele munu na munu mu litemba lyendi, nakuliwana na Yehu. Vakaliwanene nendi ku lihya lije lyapwile lya Navote.

1 Mizimbu 2:55

Vikota vya vaka-vutongwe vwakusoneka nakunungulula mikanda vaje vakele muje mwimbo lya Njaveze vapwile, vaTilate, na vaShimeya, na vaSukati. Ava vapwile vaKeni vaje valyambatelele na vaLekave.

Ezela 10:19

Vakevo vakulaesele kukondola vanakazi vavo, co vakombelelele lijamba kupwa n̄ombelo ya a vuvi.

Nehemiya 3:14

Malekiya muna Lekave, muka-kushwana lifuti lya Mbete Hakeleme, watungulwile Cikolo ca Vyuma vya Mazilo. Co waakele vikolo mu myela yavyo, waakele tupateso na mikambo yakupatesa ku cikolo.

Myaso 94:16

Iyajo wanjikwasele nakulwisa vaka-vuvi? Iyajo wemanene nange nakulwisa vanu vavavi?

Njelemiya 35:2

“Ya kuli vaka-cikota ca vaLekave ukendeke navo. Ya ukavatwale mu mulili umo wa mu Njuvo yange nakuvana vinyu.”

Ezekiyele 17:18

Wapokwele cikumiiyo cendi na lizivasano lije lyalingile. Walingile vyuma vyoshe evi, co ololo kasa kuputumuka embwe.”

Vilinga vya Miluwa 8:31

Uje mukulunu wamukumbulwile ngwendi, “Vati njasa kuzivisisa kuvanga umo anjilumbunwinevyo?” Co walombele Filipu alonde atumbame amo nendi mu litemba.

Ngalatiya 2:9

Yakomba, Petulu na Yowano, vaje vapwile vantwama, vamwene ngeci Njambi nanjana vipangi evi vyavivwa, co vatukwatele mu mavoko yange na Mbanambasa, kupwa cimweso ngeci yetu voshe twapwile vaka-kupangela amo. Twalizivasanene ngeci Mbanambasa nange tuye kuli vaje kesi vaYunda, co vakevo vaye kuli vaYunda.

Ngalatiya 4:12

Njamilombo, vakwetu, pweni ngwe yange. Omwo yange njinapu ngwe yeni. Yeni kumwalingile cuma cimo cacivi kuli yange cai.