2 Vimyene 1:14 - Livulu lya Shukulu Kalunga

¹⁴ Vaje vamyata vavali na vanu vavo venyele na tuhya twakutunda mwilu, oloni shukulu njizivileko mema ku mbunge!”

2 Vimyene 1:14 Iomraidhean Croise

2 Vimyene 1:13

Co simbu ikwavo lalo mwene watumine mwata umo na vanu makumi atanu. Co ikeye walamatele a lilundu, watsikamene a mavuli ku mesho a Elinja, co wamulambelelele ngwendi, “Ove munu wa Njambi, njizivileko mema ku mbunge yange na vanu vange. Twamene!

2 Vimyene 1:15

Co kangelo ka Shukulu Kalunga wendekele kuli Elinja ngwendi, “Shelumuka uye amo nendi, co kesi uzive lyova embwe.” Ngecivene, Elinja waile na uje mwata kuli mwene,

Myaso 116:15

Kutsa kwa vaka-kukulaela, kuli na seo ku mesho a Shukulu Kalunga.

Myaso 49:8

omwo ndando ya mwonyo wa munu yapwa yakama manene. Vije vyafweta kuvyasa kupwisamo,

Myaso 72:14

Ikeye avamena kuli vaka-muuka, na kuli vaka-kuvalinga mwamuvi, maninga avo akala na seo ku mesho endi.

Visimo 6:26

Munalume asa kukumuna cikwizi na ndando ya mukasha wa likende, oloni kulinga vupangala na munakazi wa mukweni cikamanesa vyoshe vije ulinavyo.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

1 Samwele 26:21

Co Saulu wamukumbulwile ngwendi, “Njalingi mwamuvi. Iluka, Ndaviti munange! Kunjikelukilamo lalo kukuvulumuna, omwo unamena mwonyo wange ku vutsiki vwa lelo. Njapwile nji cilema! Njinalingi cuma cacivi manene cakukomokesa!”

1 Samwele 26:24

Ngwe omo nayoyesa mwonyo wove ku litangwa lya lelo, Shukulu Kalunga alinge muje lalo kuli yange nakunjamena ku tuyando twoshe!”