2 Timateo 4:8 - Livulu lya Shukulu Kalunga

⁸ Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

2 Timateo 4:8 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Myaso 7:11

Njambi wapwa lyaako wa vushunga, co simbu yoshe akahisi vaka-vuvi.

Visimo 4:9

Mana akapwa cilongo cacivwa ku mutwe wove, cilongo ca vumpau.

Malakiya 3:17

Shukulu Kalunga Muka-nzili yoshe nendeka ngwendi, “Vakapwa vanu vange. A litangwa lije omo njikalinga, vakevo vakapwa vanu vange. Njikavazivila mema ku mbunge ngwe cisemi azivila mema ku mbunge munendi uje amupangela.

Mateo 24:36

“Oloni litangwa lije, nambe simbu ije, naumo wai avizivuka, nambe tungelo va mwilu, nambe Mwana, oloni Ishe lika ikeye azivuka.

Mateo 7:22

A Litangwa Lyakusompa, vavangi vakendeka kuli yange ngwavo, ‘Mwene, Mwene! Mu lizina lyove twambulwile muzimbu wa Njambi, co lalo mu lizina lyove twatundisile minzinzime yakujwala, co lalo mu lizina lyove twalingile vizivukiso vyavingi!’

Luka 10:12

Mwa vushunga njimileka ngwange, a Litangwa Lyakusompa Njambi akamwesa vaka-Sondoma mema ku mbunge kutuvakana nganda ije!

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Loma 8:23

Oloni kesi vyakutanga lika vilinakukemanga embwe, netu lalo tuli na Munzinzime ngwe vaje vakulivanga kupwa vwana vwa Njambi netu lalo tulinakukemanga omo tulinakuvandamena Njambi ngeci atupwise vana vendi nakupatula mivila yetu.

1 Kolinte 2:9

Nameme ngoco, ngwe muvyendeka visoneka ngwavyo, “Vije naumo wai wavimwene nambe kuviziva, vije naumo wai waviyongwele ngeci vikalingiwa, vikevyo vyuuma vije vyavwaeselele Njambi vaje vamuzema.”

1 Kolinte 3:13

Co vipangi vya munu na munu vikasholoka a Litangwa lya Kilistu lije likavisholola. Omwo a Litangwa omwo vakavimwesa lije tuhya tukasholola vipangi vya munu na munu, tuhya tukavyeseka nakusholola seo yavyo.

1 Kolinte 9:25

Munu woshe mu vyakweha alilongesa kulyononwesa, alinga ngacije ngeci atambule cilongo cije casa kuvola, oloni yetu tulinakulinga eci ngeci tukatambule cilongo cije cikakala simbu yoshe.

2 Kolinte 5:2

Co ololo tulinakukemanga, tulinakushungwiya manene ngeci vatuzike na njuvo yetu ije itunda mwilu,

Filipu 3:11

mukukulaela ngeci yange vakanjisangule kutunda ku kutsa nakuya ku mwonyo.

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

1 Tesalonika 5:4

Oloni yeni vasamba vange, kumwesi mu lisusulungu, co Litangwa lije kesi likamikasumune ngwe mwizi.

2 Tesalonika 2:8

Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi.

1 Timateo 6:19

Mu ngila eyi vene vakalitulikila vakevo vavenya vufuko vuje vukapwa luvula lwakukola lwa kulutwe. Co asinoni vakasa kuwana mwonyo, mwonyo uje unapu wa vushunga.

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

2 Timateo 1:18

Mwene akamwane kutetela kwendi a Litangwa lije! Wazivuka mwamuvwa kukwasa kwendi muje njakele mu Efeso.

2 Timateo 2:5

Muka-kushatuka kasa kutambula vwana kuvanga ononoke mashiko.

2 Timateo 4:1

Ku mesho a Njambi na Kilistu Yesu, uje akasompa vaka-kuyoya na vatsi, co omwo alinakwija mukushwana kupwa Mwene, njikushika ngwange

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

VaHevelu 12:11

Omo valinakutunyanyamesa, kuli yetu cilinakusholoka ngwe cuma cakutuviililisa, kesi cakutuvwaelelesa embwe. Oloni kulutwe kuli vaje valinakuviilila nakunyanyamesa eci vakatambula cikandelela ca kwoloka ca mwonyo wa vushunga.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

1 Petulu 1:4

co yetu tulinakukengelela kulutwe tukafuke vufuko vwa vivezikiso vije Njambi natulikila vanu vendi. Namitulikilavyo mwilu, kuje kuvyasa kusosonyoka nambe kuviya nambe kupiluka.

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.