2 Timateo 4:3 - Livulu lya Shukulu Kalunga

³ Omwo simbu ikaija omo vanu kuvakatolilila ku kulongesa kwa vushunga, oloni vakakavangeya mashungu avo, co vakalikungulwila valongisi vavangi vangi vaje vakavaleka vije vashaka kuziva.

2 Timateo 4:3 Iomraidhean Croise

1 Vimyene 18:22

Asinoni Elinja wendekele ngwendi, “Ange lika muka-kwimanena wa Shukulu Kalunga njinasalao, oloni kuno kuli vaka-kwimanena va Mbale 450.

1 Vimyene 22:18

Ahave wendekele kuli Njosefati ngwendi, “Kunjakulekele ngwange munu ou kesi kwambulula vuka-kwimanena vwavuvwa kuli yange, oloni vwavuvi lika!”

1 Vimyene 22:8

Ahave wamukumbulwile ngwendi, “Kwali, Mikaya muna Imela. Oloni yange njamuzinda omwo ikeye simbu yoshe kesi kwambulwila vuka-kwimanena vwavuvwa ali yange, oloni vwavuvi lika.” Njosefati wamukumbulwile ngwendi, “Mwene kapandele kwendeka ngacije embwe!”

Kutuuka 32:33

Co Shukulu Kalunga wamukumbulwile ngwendi, “Kuvanga avalika vanalingi vuvi kuli yange vakevo vanjikatundisa mazina avo mu livulu lyange.

Isaya 28:12

Namihwimisa muvavoshe nakumyana kwoloka, oloni yeni mwavyanene kumutolilila.

Isaya 30:10

Vendeka kuli vaka-kwimanena ngeci voloke kuluu ngwavo, “Kesi mutuleke vya vushunga. Tulekeni lika vyuma vyavivwa. Ambululeni lika vya makuli.

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 27:9

Kesi mutolilile kuli vaka-kwimanena veni, nambe kuli munu umo uje endeka ngwendi asa kulumbununa vyuma vya kulutwe, nambe a vinjozi, nambe akusana minzinzime ya vatsi, nambe a manseno a vulozi. Voshe vamileka ngwavo kesi mulikeese kuli mwene wa Mbambilone.

Njelemiya 29:8

Yange Kalunga, Njambi ya Isalele njiminangula ngwange kesi mutave vamikwise kuli vaka-kwimanena vaje vali akati keni, nambe vamo veka vaje vendeka ngwavo vasa kwambulula vyuma vya kulutwe. Kesi mumbeko mbunge ku vinjozi vyavo.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Mika 2:11

“Ava vanu vashaka muka-kwimanena uje wa vishaki na makuli, nakwendeka ngwendi, ‘Njambulula ngeci vinyu na vwala vikamitumina!’

Luka 20:19

Co valongisi va majwi a Lishiko na vakulunu va vaka-kukombelela vayongwele kukwata Yesu aje vene, omwo vazivukile ngwavo cisimo eci nacitela vakevo, oloni vatewele vanu.

Luka 6:26

“Tuyando tweni omo vanu voshe valinakumishangazala, omwo vakukulwila vavo valingile ngacije kuli vaka-kwimanena va makuli.

Yowano 8:45

Oloni yange njendeka vushunga, mukemwo kumwesi nakunjikulaela.

Vilinga vya Miluwa 17:21

(Omwo vaka-Atena voshe na vangenzi vakele muje vazememe kumbila simbu yavo yoshe mukwendeka nakuziva vyuma vyaviha.)

1 Kolinte 2:1

Omo njezile kuli yeni, vasamba vange, nakwambulula vushunga vwa Njambi vwakushweka kunjapangesele majwi akama, nambe kumwesa kulilongesa kwange kwakama.

1 Kolinte 2:4

co kulongesa kwange na muzimbu wange kuvyakele njavyanene na majwi a vutongwe a mana a vanu, oloni na cizivukiso ca nzili ya Munzinzime wa Njambi.

Ngalatiya 4:16

Kuma yange ololo njinemuka citozi ceni akumileka vushunga ndi?

1 Timateo 1:10

na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.

2 Timateo 1:13

Kakateya mbe ku majwi a vushunga aje njakulongesele, apwe cimweso kuli yove mukuwakava, co unapande kukala mukukulaela na cizemo vije vinapu vyetu muli Kilistu Yesu.

Yunda 1:18

Vendekele kuli yeni ngwavo, “A matangwa akukotoka, vanu vakasholoka vaje vakamishendumuna, vanu vaje vakakavangeya mashungu avo amavi.”