2 Timateo 4:16 - Livulu lya Shukulu Kalunga

¹⁶ Akulivanga naumo wai wanjikundamene akulyamena kwange, voshe vanjitewele. Oloni Njambi kesi avalaveleco ngwe vuvi embwe!

2 Timateo 4:16 Iomraidhean Croise

Mako 14:50

Asinoni vandongisi vendi voshe vamusezele, co vatewele.

Luka 12:11

“Omo vakamitwala nakumisompa mu masinangonge avo nambe ku mesho a vanguvulu, nambe kuli vaka-kushwana, kesi mushote vimbunge vyeni ngweni tukalyamena vati nambe vatijo tukendeka.

Yowano 16:32

Simbu ilinakwija, co inete laja, omo yeni voshe mukashandoka, munu na munu akaya kwimbo lyendi, co njikasala ange lika. Oloni kunjikasala ange lika embwe, omwo Tate ali amo nange.

Vilinga vya Miluwa 22:1

“Vandolome vange na vatate, njitolilileni omo njilinakulyamena ku mesho eni!”

Vilinga vya Miluwa 25:16

Oloni njavalekele ngwange kucitava yetu vaLoma kuhisa munu uje ivanavangela mulonga simbu kanda alimone mesho na mesho na vaje vanamuvangela, nakumwana simbu yakulyamena ku mulonga wendi.

Vilinga vya Miluwa 7:60

Co watsikamene a mavuli watambekele na lijwi lyakama ngwendi, “Mwene! Kesi wanuke vuvi vwavo ovu vuvanalingi!” Co omo wendekele majwi awa, watsile.

1 Kolinte 13:5

cizemo kucesi kulilwisa, cizemo kucesi kulitondela vyaco cikeco vavenya, nambe kucesi kuluvala, cizemo kucesi kukala na likiti-kiti a vyuma vyavivi,

1 Kolinte 9:3

Omo vanu vanjiyeluwisa, omu mukemwo munjikalyamena yange vavenya.

2 Kolinte 7:11

Kengeni Njambi vati nalingi na vusiwa vweni ovu, vati vunamilingisa ngeci munyanyame manene! Nakusholola sholovya yakulishungamesa na vukaleo vwavuvwa na cizemo na mukulikundika nakuzambula kunyanyamesa vilinga vyavivi! Co munalisholola yeni vavenya ngeci munajeneka mulonga mu vyuma vyoshe.

Filipu 1:17

Ava vakulivanga kuvasa kwambulula Kilistu mwa vushunga, oloni cakutunda kuli munzinzime wa kulyalesa, valinakuyongola ngeci vawezeleleko manene ku tuyando twange omo njili mu kamenga.

Filipu 1:7

Simbu yoshe yeni kumwatundile mu mbunge yange! Ngecivene, cinapu cacivwa kuli yange kukala na mbunge yangacije ali yeni voshe. Omwo yeni voshe mu vaka-kupanga amo nange mu vipangi vyananjana Njambi, nambe ololo omo njili mu kamenga nambe lalo omo njapwile wakupatuka mukwamena muzimbu wauvwa nakuukolesa mbe.

2 Timateo 1:15

Unazivuka ngwove vanu voshe mu lifuti lya Asiya vananjikengesa nima, Fingelyase na Helemengenese navo lalo vananjiseza.

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

2 Timateo 4:15

Nove lalo unapande kumutewa, omwo ikeye walwisile muzimbu wetu na muuka.

1 Petulu 3:15

Oloni komokeni Kilistu mu vimbunge vyeni, co musingimikeni ngwe Mwene. Visimbu vyoshe livwaeseleni kukumbulula munu woshe-iwoshe uje amihula mumunungulwile cinyangavili ceni cije mulinaco,