2 Timateo 3:5 - Livulu lya Shukulu Kalunga

⁵ vakakakateya vyuma vya cifwa cakulemesa Njambi, oloni vakavyana nzili yavyo. Litenge ku vanu va cifwa cangacije.

2 Timateo 3:5 Iomraidhean Croise

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Mateo 7:15

“Nyanyameni na vaka-kwimanena va makuli, vaje vaija kuli yeni vanalikongomeka ngwe vimanga, oloni mu vimbunge vyavo vanapu ngwe tungunga vavukalu.

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

2 Tesalonika 3:14

Amo kuli umo uje kashaka kwononoka lijwi lyetu lije twatumu kuli yeni mu mukanda ou. Nga ngoconi, mukengeni, co mushondolokeni, ngeci shwamwa imukole.

2 Tesalonika 3:6

Mu lizina lya Mwene Yesu Kilistu tulinakumishika, vakwetu, ngwetu, litengeni kuli voshe vanu vaje valinakuyoya ayoyesi ya vulwa, vaje kuvesi nakukavangeya vilongesa vitwamilongesele.

1 Timateo 4:7

Oloni litenge ku visimo vyangoco, vije kuvyapandelemo kuvyambulula. Linyunge yove vavenya mukuyoya kwa vu Njambi.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

1 Timateo 5:8

Oloni nga umo kasa kunyunga vavushoko vwendi, vunene kuli vanu vaka-naanga yendi, navyana kukulaela, navihya kutuvakana uje kesi muka-kukulaela.

1 Timateo 6:5

na vimata simbu yoshe kuli vanu vaje mana avo kuwesi kupanga, co kuvesi na vushunga. Vayongola ngwavo ngila ya vu Njambi ikeyo yapwa yakufukisa.

2 Timateo 2:16

Linyunge ku vimata vyakushaula, na vyendeka vya vulema, vije vitwala lika vanu kulyala na Njambi.

2 Timateo 2:23

Oloni litenge ku vimata vya vulema na vunzimba, wazivuka ngwove kukotoka kwavyo kunapu vimata lika.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Tito 3:10

Nangula lumo nambe luvali munu uje anena kaangu, co anima kesi ulinge cuma ceka lalo nendi.