2 Timateo 3:17 - Livulu lya Shukulu Kalunga

¹⁷ ngeci munu uje apangela Njambi apwe wamutunu nakushula kwakuvwa mukupanga vipangi vyoshe vyavivwa.

2 Timateo 3:17 Iomraidhean Croise

Nehemiya 2:18

Co njavalekele oni muje Njambi mwakele amo nange nakunjikwasa, na muje mwendekele mwene kuli yange. Co vakumbulwile ngwavo, “Ijeni tushangumuke kutungulula!” Co vashangumukile kupanga.

Vilinga vya Miluwa 9:36

Mu Yopa mwakele munakazi umo lizina lyendi Tambita, uje wapwile muka-kukulaela. (Lizina lyendi mu ciNgiliki ikeye Ndokasi, kulumbunuka ngwavo “shonge.”) Simbu yendi yoshe wakele nakulinga vyavivwa nakukwasa tuutu.

2 Kolinte 9:8

Co Njambi akasa kumyana kutuvakana ngwe kukujeneka kweni, ngeci mukakale navyo vyavingi ngwe kukujeneka kweni, nakukala lalo na vyavingi vyakupwisa a vuvwa vwoshe.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 2:21

Voshe vaje valijelesa vakevo vavenya ku vyuma vyoshe vije vyavivi, vakavapangesa ku vutumbe vwavuvwa, omwo vanalikundika kuli Shukulu yavo kuvapangesa, co vanalivwaesela cimweja kuvapangesa ku vipangi vyavivwa.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Tito 3:1

Anukisa vanu vove vapwe vaka-kulikeesa kuli vaka-kushwana na vaje vali na moko yakushwana, ngeci vavononoke, nakulivwaesela mukulinga mwamuvwa mu vyuma vyoshe.

VaHevelu 10:24

Ngecivene, tuliyongoleni umo na mukwavo nakulikwasa umo na umo nakumwesa cizemo nakulinga mwamuvwa.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.