2 Timateo 3:16 - Livulu lya Shukulu Kalunga

¹⁶ Omwo Visoneka vyoshe Njambi wahwiminininemo ngeci vili na seo mukulongesa vushunga, na mukwendekela, na mukushungamesa, namukwana vilongesa akuyoya kwakuvwa,

2 Timateo 3:16 Iomraidhean Croise

2 Samwele 23:2

Munzinzime wa Shukulu Kalunga alinakwendekela muli yange, majwi endi ali a ndaka yange.

Nehemiya 9:20

Mu vuvwa vwove wavalongesele vije vapande kulinga, wavalisile maana, co wavanene mema akunwa.

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 119:130

Kununguluka kwa vilongesa vyove kwana ceke, kwana mana kuli vaje kuvazivuka.

Myaso 119:9

Mukwenje asa kuyoya vatijo yoyesi yakujela? Mukwononoka mashiko ove Shukulu Kalunga.

Visimo 15:10

Nga ulinga vya kupenga-penga, co vakakuhisa manene, nga kuutava kukunangula, co ukatsa.

Visimo 15:31

Nga utolilila omo vakunangula, co ukapwa muka-kunyanyama.

Visimo 6:23

Vilongesa vyavo vyapwa ceke, kunangula kwavo kukakulongesa mwakuyoyela.

Mika 2:7

Kuma mwayongola ngeci vanu va mu Isalele vali mu cisingo ndi? Kuma Shukulu Kalunga kasa kuvandamena ndi? Kuma asa kulinga vyuma vyangacije ndi? Kuma kesi kwendeka mwamuvwa kuli vaje vaka-kulongwa ndi?”

Zefaniya 3:2

Kuyatolililile kuli Shukulu Kalunga nambe kutava kunangula kwendi. Kuyakulaelele kuli Shukulu Kalunga nambe kulomba vukwasi vwendi.

Mateo 13:52

Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”

Mateo 21:42

Yesu wendekele kuli vakevo ngwendi, “Kumwalavele majwi awa mu visoneka ndi? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe. Eci cikeco calingile Shukulu Kalunga, co cinapu cakukomokesa kuli yetu!’ ”

Mateo 22:43

Yesu wavehwile ngwendi, “Omwo vikajo Munzinzime walongesele Ndaviti kwendeka ngwendi, ‘Mwene?’ Ndaviti wendekele ngwendi,

Mateo 26:54

Oloni a vyuma vyangacije, co vatijo visoneka vyasa kupwamo, vije vinendeka ngeci vinapande kulingiwa mu cifwa eci vene?”

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

Mako 12:24

Yesu wavakumbulwile ngwendi, “Yeni mwasevuka! Co kuma yeni kumuzivuka ngweni omwo vika? Omwo kumuzivuka Visoneka na nzili ya Njambi.

Mako 12:36

Munzinzime Wakujela walongesele Ndaviti kwendeka ngwendi, ‘Shukulu Kalunga wendekele kuli Shukulu yange ngwendi, tumbama ku livoko lyange lya cilyo, noo njinaka vitozi vove mwisi ya myanja yove.’

Yowano 10:35

Tunazivuka ngeci visoneka vinendeka vushunga ku myaka yoshe, co Njambi watumbwile vaje vanu vinjambi, vanu vaje vaanene majwi endi.

Yowano 3:20

Omwo munu woshe alinga vyuma vyavivi azinda ceke kasa kwija ku ceke, omwo kashaka vilinga vyendi vyavivi ngeci visholoke.

Vilinga vya Miluwa 1:16

“Vakwetu, visoneka vinapande kupwa vya vushunga muje Munzinzime Wakujela wasesele Ndaviti kutumbula vya Yundasa, uje watwamenenene vaje vakwatele Yesu.

Vilinga vya Miluwa 18:25

Vamunangwile laja mu ngila ya Mwene, co wakele na ntwima yakwambulula nakulongesa mwamuvwa vyuma vya ali Yesu. Nameme ngoco, wazivukile lika vyakumbwitika kwa Yowano.

Vilinga vya Miluwa 20:20

Mwazivuka ngweni kunjalikelele kulinga cuma cimo cije capwile cakumikwasa omo njambulwile nakulongesa mu mbunga na mu vinjuvo vyeni.

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

Vilinga vya Miluwa 28:25

Ngecivene, vaile, oku valikanangana akati kavo, omwo Paulu nendeka navo cuma cimo eci ngwendi, “Munzinzime Wakujela wendekele vushunga kuli vakukulwila veni ali Isaya muka-kwimanena!

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Loma 2:20

unapu muka-kushungamesa vilema, na mulongisi kuli vaje vali ku nzimba. Wazivuka mwa vushunga ngwove mu Lishiko unawanamo mana akushula na vushunga.

Loma 3:2

Cuma cakama manene mu vingila vyoshe! Mu mutambela wakulivanga, Njambi wakundikile lijwi lyendi kuli vaYunda.

Loma 4:23

Majwi awa “vamulavelelekwo kupwa muka-vushunga” kuvawasonekelele ikeye lika embwe.

1 Kolinte 12:7

Kuli umo naumo vanamwana vwana vwa Munzinzime mukukwasa vakwavo mu vyoshe.

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Kwituluka mu Mashiko 29:29

“Vyuma vya vushweke vyapwa vya Shukulu Kalunga Njambi yetu, oloni najombolola Mashiko endi, ngeci yetu na vatekulwila vetu tuwononoke nakuwanyunga ku myaka yoshe.

Kwituluka mu Mashiko 4:36

Ikeye watavele ngeci yeni muzive lijwi lyendi oku ali mwilu ngeci amilongese. Co ano asi wamitavesele ngeci mumone tuhya twendi twakama twakushukuma, co ikeye wendekele kuli yeni oku ali mukati ka tuhya.

2 Timateo 2:25

walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga.

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

VaHevelu 11:1

Akukulaela tukala na vushunga vwakuzivuka ngeci tukatambula vyuma vije tulinakukengelela, nakutava vyuma vije kanda tumone.

VaHevelu 3:7

Ngecivene, ngwe mwanendeka Munzinzime Wakujela ngwendi, “Lelo vene nga muziva lijwi lya Njambi,

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.