2 Timateo 3:12 - Livulu lya Shukulu Kalunga

¹² Woshe uje ashaka kuyoya vuyoye vwa vu Njambi vuje vuli muli Kilistu Yesu akamona mapakeso,

2 Timateo 3:12 Iomraidhean Croise

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mateo 23:34

Ngecivene, njimileka ngwange, njikamitumina vaka-kwimanena na vaka-mana, na valongisi va majwi a Lishiko, vamo mukavatsiya, co vakwavo mukavashukika a cilindakano, veka lalo mukavapupanga makote mu masinangonge eni, co mukavasheka ku nganda na nganda.

Mako 10:30

akatambula vyavingi manene a simbu eyi vene. Akatambula kutuvakana 100 vinjuvo, na vandolome, na vandokazi, na vaina, na vana, na mahya, na tuyando, co a simbu ije ikaija akatambula mwonyo wa myaka yoshe.

Yowano 16:2

Vakamisheka mu masinangonge, mwa vushunga simbu ikaija omo woshe uje akamitsiya akayongola ngeci akulinga cuma eci alinakupangela Njambi.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 17:14

Njavanene muzimbu wove, co vaka-kaye vavazindile, omwo vakevo kesi vaka-kaye, ngwe omo yange kesi nji muka-kaye.

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

1 Kolinte 15:19

Nga cinyangavili cetu muli Kilistu cinapu cacivwa a mwonyo ou lika kunau, co kutuvakana vanu voshe ano a kaye cinapande vatuteteleko.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 4:9

vitozi vavangi kuvali, oloni kutwesi kujeneka musamba, na visimbu vimo tukavulumuka manene vene, oloni kuvesi kutunyongesa.

1 Timateo 2:2

na ali vimyene na ali voshe vaje valinakushika, ngeci tuyoye mwamuvwa mu kwoloka na kasingimiko koshe kuli Njambi amo na vilinga vyavivwa.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

1 Timateo 6:3

Nga woshe alongesa vilongesa vyeka, co kalitombola na vushunga vwa lijwi lya Mwene yetu Yesu Kilistu na vilongesa vya vu Njambi vwetu

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

Tito 2:12

Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama,

Yoshwa 17:14

Co vatekulwila va Yosefa vendekele kuli Yoshwa ngwavo, “Omwo vikajo unatwanena mutambela umolika kupwa vushwana vwetu? Yetu tunapu tuvavangi manene omwo Shukulu Kalunga natuvezikisa.”

1 Petulu 3:14

Oloni nambe nga muyanda mukulinga vije vya vushunga, co vwaeleleni! Kesi muzivile lyova munu umo, co kesi mulishoshomwene.

2 Petulu 3:11

Omwo vyuma vyoshe evi vikanyonga mu cifwa eci vene, co yeni munapande kukapwa vanu va muyati uka? Kuyoya kweni kunapande kupwa kwakujela nakulikundika kuli Njambi,

Kujombolola 12:4

Wakokele mutambela wamucitatu wa vingongonosi na mukila wendi kuvitundisa ku mashelwa nakuvyumbila ano asi. Canza-ngombe wemanene kulutwe lwa uje munakazi washakele kukita, ngeci alye uje mwanike omo asemuka.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.