2 Timateo 3:10 - Livulu lya Shukulu Kalunga

¹⁰ Oloni yove unakavangeya kulongesa kwange na futisi yange na vutumbe vwakuyoya kwange, unanongonona kukulaela kwange na kusimpa kwange na lukakateya lwange,

2 Timateo 3:10 Iomraidhean Croise

Ndanyele 1:8

Oloni Ndanyele wayongwele mu mbunge yendi ngeci kapandele kulijwalesa ikeye vavenya akulya vyakulya nakunwa vinyu vya vumwene, co walombele Ashepenaze, mwata wa mukulunu ngeci amukwase,

Luka 1:3

Ngecivene, nange njinayongola ngwange njinapande kukusonekelavyo yove shukulu Teofilo, muvyalikavasanena, omwo njinavihwisisa vyoshe tunde avyashangumukilile.

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Vilinga vya Miluwa 2:42

Co vakakateyeye kulilongesa kuli miluwa na mu kulitombola na mukulipangela makende na mukulombela.

Vilinga vya Miluwa 20:18

Omo vezile, wendekele kuli vakevo ngwendi, “Mwazivuka muje munjakele neni simbu yoshe, tunde a litangwa lyakulivanga njetele mu lifuti lya Asiya.

Vilinga vya Miluwa 26:4

“VaYunda voshe vazivuka vati njinayoyo tunde ku vukwenje vwange. Vazivuka kuyoya kwange kwoshe, akulivanga mu lifuti lyange vavenya na mu Yelusalema.

Loma 16:17

Njimilambelela vakwetu ngwange, nyanyameni kuli vaje vanena kulyangunuka nakutanganesa kukulaela kwa vanu nakulwisa vilongesa vije vimwatambwile. Vashondolokeni!

2 Kolinte 1:17

Omo njayongwele kulinga ngeci, kuma njakele na vimbunge vivali ndi? Nambe vije vinjiyongola kuma njiyongola vya vusitu ngeci njendeka ngwange, “Eyo, eyo,” nambe “Embwe, embwe” a simbu imolika ndi?

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

Filipu 2:20

Kunjesi na munu wakulifwa nendi, uje ali na cizango ngwe cange, co uje ali na cishota-mbunge ali yeni.

Filipu 2:22

Oloni yeni vavenya mwazivuka vatijo Timateo nasholola vukaleo vwendi, ikeye napu ngwe mwana alinakupanga amo na ishe a muzimbu wauvwa.

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

1 Timateo 1:3

Njishaka yove ukale mu Efeso, ngwe muje njakusindiiye aje njaile vungenzi ku Masendoniya. Vanu vamo kuje valinakulongesa vilongesa vya makuli, co unapande kuvashika ngeci valikele.

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

2 Timateo 4:3

Omwo simbu ikaija omo vanu kuvakatolilila ku kulongesa kwa vushunga, oloni vakakavangeya mashungu avo, co vakalikungulwila valongisi vavangi vangi vaje vakavaleka vije vashaka kuziva.

2 Timateo 4:7

Njinalu nzita yaivwa, co njinashatuka nakwetesa seteko yange, co njinanyungu kukulaela.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

2 Petulu 3:11

Omwo vyuma vyoshe evi vikanyonga mu cifwa eci vene, co yeni munapande kukapwa vanu va muyati uka? Kuyoya kweni kunapande kupwa kwakujela nakulikundika kuli Njambi,