2 Timateo 2:9 - Livulu lya Shukulu Kalunga

⁹ Omwo njilinakwambulula Vin̄anda Vyavivwa, njilinakuyanda nakunjikuta mu malyenge ngwe nji lipwepwe. Oloni lijwi lya Njambi kuvalyakele mu malyenge.

2 Timateo 2:9 Iomraidhean Croise

Luka 23:32

Co lalo kwakele mapwepwe vavali va vanalume vavatwalele amo na Yesu nakukavatsiya.

Vilinga vya Miluwa 21:33

Asinoni uje muka-kushika mashwalale waile kuli Paulu wamukwatele, co washikile ngeci vamukute na malyenge avali. Asinoni wehwile ngwendi, “Iyajo ou munalume? Co vikajo vyanalingi?”

Vilinga vya Miluwa 28:31

Wambulwile vya Vumwene vwa Njambi nakulongesa vya Mwene Yesu Kilistu, co wendekele nakusimpa kwoshe na mbunge yakupatuka.

Vilinga vya Miluwa 9:16

Omwo yange njikamuleka vyoshe vije vyanapande kuyanda omwo lizina lyange.”

Efeso 3:1

Omwo a cuma eci, yange Paulu, cinzinda ca Yesu Kilistu njilomba kuli Njambi omwo ali yeni kesi vaYunda.

Filipu 1:17

Ava vakulivanga kuvasa kwambulula Kilistu mwa vushunga, oloni cakutunda kuli munzinzime wa kulyalesa, valinakuyongola ngeci vawezeleleko manene ku tuyando twange omo njili mu kamenga.

Filipu 1:7

Simbu yoshe yeni kumwatundile mu mbunge yange! Ngecivene, cinapu cacivwa kuli yange kukala na mbunge yangacije ali yeni voshe. Omwo yeni voshe mu vaka-kupanga amo nange mu vipangi vyananjana Njambi, nambe ololo omo njili mu kamenga nambe lalo omo njapwile wakupatuka mukwamena muzimbu wauvwa nakuukolesa mbe.

Kolose 4:18

Na livoko lyange vene vavenya njasoneka ngwange, “Viindu vyakutunda kuli Paulu.” Kesi mwivale malyenge ange! Kutetela kwa Njambi kukale amo neni.

Kolose 4:3

Tulombeleleniko netu lalo, ngeci Njambi atwane simbu yaivwa yakwambulula lijwi lyendi, a vyakushweka vya Kilistu. Omwo a cuma eci ngeci yange njili mu kamenga ololo.

1 Tesalonika 1:8

Omwo kesi lika ngwe lijwi lya Mwene lyatundile kuli yeni mu Masendoniya na mu Akaya embwe, oloni lutsimo lwa kukulaela kweni kuli Njambi lunashandokela kwoshe-ikwoshe. Ngecivene, nacimo cai citwasa kwendeka.

2 Tesalonika 3:1

Akukotoka, vakwetu, netu tulombeleleniko lalo ngeci lijwi lya Mwene liye kulutwe nakushandoka vwasi-vwasi ngeci valitambule na kalemeso, ngwe mumwalitambwile akati keni.

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

2 Timateo 1:16

Mwene amimwesa mema ku mbunge ku naanga ya Onesifolase, omwo ikeye visimbu vyavingi wanjivwaelelesele. Kazivile shwamwa omo yange njili mu kamenga,

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

2 Timateo 2:3

Ngecivene, kakateya mu n̄avava, ngwe lishwalale wamuvwa wa Kilistu Yesu.

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 2:14

na mwisi ya vanguvulu lalo, vaje vaanemika mwene mukunyanyamesa vaka-kulinga vuvi nakushangala vaka-kulinga mwamuvwa.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.

1 Petulu 4:15

Nga umo ayanda, kesi ayande omwo ikeye napu muka-kutsiya nambe omwo ikeye napu mwizi nambe omwo ikeye napu lipwepwe nambe omwo ikeye muka-kulyaka ku vin̄anda vya vakwavo.