2 Timateo 2:26 - Livulu lya Shukulu Kalunga

²⁶ Co asinoni vakatenguluka ku mana avo ngeci vatewe ku mweto wa Liyavola, uje navakwata nakuvapwisa vaka-kwononoka cizango cendi.

2 Timateo 2:26 Iomraidhean Croise

Yombi 1:12

Shukulu Kalunga wendekele kuli Satana ngwendi, “Mwamuvwa. Vyuma vyoshe vyalinavyo vili mu mavoko ove, oloni kuwapandele kumuvulumuna.” Ngecivene, Satana watundile ku mesho a Shukulu Kalunga.

Yombi 2:6

Ngecivene, Shukulu Kalunga walekele Satana ngwendi, “Kenga, ololo ali mu mavoko ove, oloni kesi umutsiye embwe.”

Myaso 124:7

Tunaputumuka ngwe kazila natundu mu mweto wa ciyambi, mweto unashutuka, co tunaputumukamo!

Isaya 28:13

Ngecivene, ololo Shukulu Kalunga akamilongesa lilaka na lilaka, mukana na mukana, cilongesa na cilongesa. Co mukatanozoka nakuwila kunima. Mukavulumuka na kutsa mu mweto, co vakamipwisa mu vinzinda.

Isaya 53:12

Ngecivene, njikamwana mutambela wa kasingimiko, akati ka vanu va vulemu na nzili. Watavele kwana mwonyo wendi nakumulavela amo mu luvinda lwa vaka-vuvi. Vanu vamuyongwele ngwavo muka-vuvi, oloni wayandele omwo vuvi vwavo, co walombelele kuli Njambi ngeci Njambi avasambese.”

Isaya 8:15

Vavangi vakatanuka, vakawa nakutsenuka. Co vakavafungulula nakuvakokela kulyala.”

Luka 11:21

“Omo munalume wa nzili uje nalivwaesela cimweja vitwa vyendi anyunga njuvo yendi, co vufuko vwendi vwoshe vukala mwamuvwa.

Luka 15:17

Omo waliyongwele, walyendekesele ngwendi, ‘Vangamba voshe va tate valinakulya nakukuta nakusezao, yange njilanduka ku njala!

Luka 5:10

Yakomba na Yowano vana va Zembendeo, vasamba va Simoni, navo lalo valikomokelele. Yesu wendekele kuli Simoni ngwendi, “Kesi uzive lyova, tunde ano ukajevela vanu.”

Yowano 13:2

Co Yesu na vandongisi vendi vakele kukulya kwa cingwezi. Omo Liyavola te naaka laja muli Yundasa, muna Simoni Isikalyote, viyongola vyakwenda Yesu vungungu.

Yowano 13:27

Aje vene omo Yundasa watambwile lije likende, Satana wakovelele muli ikeye. Yesu wendekele kuli ikeye ngwendi, “Evi unapande kulinga, vilinge vwasi!”

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Vilinga vya Miluwa 5:3

Oloni Petulu wendekele kuli ikeye ngwendi, “Ananiya, omwo vika unatava Satana akovele mu mbunge yove nakwendeka makuli kuli Munzinzime Wakujela akushweka litambelo limo lya vimbongo viwunatambula akulandesa vufuko vwove?

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

2 Kolinte 2:11

kutewa Satana akatuhyana, omwo tuzivuka vutumbe vwendi ali yetu.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kolose 1:13

Natwamena ku nzili ya lisusulungu nakutunena mu vumwene vwa Munendi uje yazema,

1 Timateo 1:20

Akati kavo kuli Haimenease na Elekizanda, vaje njinanyanyamesa akuvakundika ku nzili ya Satana, eci cikavalongesa ngeci valikele kushaula Njambi.

1 Timateo 3:7

Napande kupwa munalume wa kasingimiko kuli vanu vaje vali anja ya cikungulukilo, ngeci kesi azive shwamwa nakuwila mu mweto wa Liyavola.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.