2 Timateo 2:25 - Livulu lya Shukulu Kalunga

²⁵ walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga.

2 Timateo 2:25 Iomraidhean Croise

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Ezekiyele 11:19

Njikavana vimbunge vyaviha na mana amaha. Njikatundisa vimbunge vyavo vyakukola ngwe mamanya, co njikavana vimbunge vyakwononoka.

Ezekiyele 12:3

“Ololo, muna munu, longekeya citele ngwe mwakalingi munu muka-kuliita, co ya omo kanda vutsiki vucete. Tava ngeci vanu voshe vakumone omo uya ku mutambela weka. Amo vaje vaka-tengulukila vakakumona.

Ezekiyele 36:26

Njikamyana vimbunge vyaviha na mana amaha. Njikatundisa vimbunge vyeni vyakukaluwa vya mamanya nakumyana vimbunge vyakwononoka.

Ezekiyele 36:31

Mukanuka futisi ya vuvi vweni na kupenga-penga kuje mwalingile, co mukakala na vunyengwe yeni vavenya, omwo vuvi vweni na milonga yeni.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Mateo 11:29

Lilemekeni mandauluwa yange, co lilongeseni kuli yange, omwo yange njimukalyovwa-ovwa na kulikeesa mu mbunge, co mukawana kuhwima ku myonyo yeni.

Mateo 21:32

Omwo Yowano Muka-kumbwitika wezile mukumimwesa ngila ya vushunga, co kumwamukulaelele, oloni vaka-kutambula lisimu na vikwizi vamukulaelele. Co nameme omo mwamwene evi, kumwatengulukile mu vimbunge vyeni ngeci mumukulaele.”

Mako 1:15

Wendekele ngwendi, “Simbu yaivwa ineete, co Vumwene vwa Njambi vuli muyehi! Tengulukeni mu vimbunge vyeni ngeci mutunde ku vuvi, co kulaeleni ku Vin̄anda Vyavivwa!”

Yowano 5:34

Kesi ngwe vukaleo vunjitambula vwakutunda ku munu embwe, oloni njilinakwendeka lika evi ngeci mwovoke.

Vilinga vya Miluwa 11:18

Omo vazivile majwi awa, valikelele kumujokotesa, co valemesele Njambi vendele ngwavo, “Kuma Njambi naana lalo ava kesi vaYunda simbu yakutenguluka ngeci vayoye.”

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Vilinga vya Miluwa 5:21

Co miluwa vononokele, co omo kwakile vakovelele mu Njuvo ya Shukulu Kalunga vashangumukile kulongesa. Muka-kukombela wakama amo na munga yendi vasanene vakulunu voshe va vaYunda mu cikungulukilo ca Munga yavo, asinoni vatumine lijwi ku kamenga ngeci vanene miluwa ku mesho avo.

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

Vilinga vya Miluwa 8:22

Ngecivene, tenguluka utunde ku viyongola vyove vyavivi, co lomba kuli Mwene ngeci akusambese ku viyongola vyove ngwe evi.

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

1 Timateo 2:4

uje ashaka ngeci vanu voshe vovoke nakweta kukuzivuka vushunga.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 3:7

vanakazi vaje valinakweseka simbu yoshe kulilongesa, oloni kuvasa kuzivuka vushunga.

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

Tito 3:2

Valeke kesi vakashaule munu naumo wai, oloni vapwe vaka-kwoloka nakulizema, co simbu yoshe vasholole vuvwa vunapandemo ku mesho a vanu voshe.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

1 Petulu 3:15

Oloni komokeni Kilistu mu vimbunge vyeni, co musingimikeni ngwe Mwene. Visimbu vyoshe livwaeseleni kukumbulula munu woshe-iwoshe uje amihula mumunungulwile cinyangavili ceni cije mulinaco,

1 Yowano 5:16

Nga umona muka-kukulaela alinga vuvi vuje kuvwasa kumutwala ku kutsa, unapande kulombela kuli Njambi, uje akamwana mwonyo. Eci cinakundama kuli vaje vivi vyavo kuvivatwala ku kutsa. Oloni kuli vuvi vuje vutwala ku kutsa, co kunjasa kwendeka ngwange munapande kulombela kuli Njambi a vuvi vwangacije.