2 Timateo 2:22 - Livulu lya Shukulu Kalunga

²² Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

2 Timateo 2:22 Iomraidhean Croise

Myaso 119:9

Mukwenje asa kuyoya vatijo yoyesi yakujela? Mukwononoka mashiko ove Shukulu Kalunga.

Myaso 17:1

Yove Shukulu Kalunga, tolilila mutambi wange wakukulambelela ngeci unjilingile vushunga, ziva mutambi wange wakunjikwasa! Ziva lilombelo lyange lya vushunga.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 6:5

Tunda mu mweto ou ngwe kazila, nambe ngwe mbambi atewa ciyambi.

Visimo 7:8

Ikeye wakele nakwenda mu tapalo, kuyehi na masambwa-ngila kuje kwakele munakazi umo. Co mukwenje ou wetile kuyehi na njuvo ya uje munakazi,

VaLevi 15:18

Nga munalume akala amo na munakazi, oku mbuto yendi ilitikila ngoco, voshe vavali vanapande vakajwele a mivila yavo, co vakevo vakapwa vakujeneka kujela noo ku cingwezi.

Vilinga vya Miluwa 7:59

Co vakele nakwasha mamanya Setefano omo wakele nakulombela ngwendi, “Mwene Yesu tambula munzinzime wange!”

Vilinga vya Miluwa 9:14

Co naija lalo kuno ku Ndamasiku na moko yakutunda kuli vakulunu va vaka-kukombelela mukukwata voshe vaje vakulemesa.”

Loma 14:17

Omwo Vumwene vwa Njambi kesi ngwe vunapu vwa vyakulya nakunwa embwe, oloni vunapu vwa vushunga na kwoloka nakujolela mu Munzinzime Wakujela.

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

1 Kolinte 1:10

Njimilambelela vavusamba vange, na moko ya Mwene yetu Yesu Kilistu ngwange, lizivasaneni mu vyoshe vimwendeka, ngeci kesi kukakale kulyangunuka akati keni. Oloni litomboleni mwamuvwa, na viyongola vimo na cizango cimo.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

1 Kolinte 10:14

Ngecivene, vavusamba vange va cizemo, teweni kulemesa tumponya.

1 Kolinte 14:1

Ngecivene, munapande kushakezeka cizemo. Akeni vimbunge vyeni ku mavwana a munzinzime, manene a vwana vwakwambulula lijwi lya Njambi.

1 Kolinte 6:18

Teweni vupangala. Vuvi vwoshe vwalinga munu kuvuviisa muvila wendi, oloni woshe alinga vupangala alinakuvulumuna muvila wendi.

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

1 Timateo 1:5

Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

1 Petulu 3:11

Napande kutunda ku vuvi nakulinga vyuma vyavivwa, napande kushakezeka kwoloka na mbunge yendi yoshe.

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.