2 Timateo 2:20 - Livulu lya Shukulu Kalunga

²⁰ Mu njuvo yakama mwakala vimbasiya na malonga a miyati yoshe, vimo vavipanga na siliva na ngolinde, vikwavo na viti na vuma, vimo vyakupangesa ku vutumbe vwavuvwa, vikwavo vyakupangesa a simbu yoshe-iyoshe.

2 Timateo 2:20 Iomraidhean Croise

Ezela 1:6

Vandambo vavo voshe vavakwasele, co vavaanene vyuma vyavingi, malonga a siliva, na ngolinde, na vivala, na vimuna vakwambata vivala, na vyuma vikwavo lalo vya seo, na vin̄ombelo vya mu Njuvo ya Shukulu Kalunga.

Ezela 6:5

Co lalo vivala vya ngolinde na siliva vije vyanenele Mwene Nevukaneza ku Mbambilone kuvitundisa mu Njuvo ya Shukulu Kalunga mu Yelusalema vakaviilwise mu mwela wavyo mu Njuvo ya Shukulu Kalunga mu Yelusalema.”

Kutuuka 27:3

Fula mapanda akukundwila lito, vifwosholo, na tulonga, na vikwateso, na mapanda akwambatela tuhya a liko. Vyoshe evi vyakupangesa vipwe vyakufula na vunengu.

Mbimbi 4:2

Vakwenje va Siyone vapwile va seo yakama kuli yetu ngwe ngolinde, oloni ololo valinakuvapangesa ngwe vindeo vyangoco vya vuma.

Ndanyele 5:2

Omo vakele nakunwa, co Mbeleshazale washikile ngeci vanene vinganja vya ngolinde na siliva na malonga aje akambatele ishe Nevukaneza mu Njuvo ya Shukulu Kalunga mu Yelusalema. Mwene watumine ngeci vakavishake, anwilemo ikeye na vanu vendi va vulemu na mashano vendi na mashano vendi va mbanja.

Yowano 8:49

Yesu wakumbulwile ngwendi, “Muli yange kumwesi munzinzime wakujwala embwe, yange njilinakusingimika Tate, oloni yeni mulinakunjishaula.

Loma 9:20

Oloni yove iyajo, musamba wange, ulikumbulule na Njambi? Ndeo ya vuma kuyasa kwihula munu uje waishongele ngwayo, “Omwo vikajo wanjimungila ngacije?”

1 Kolinte 3:9

Omwo tulinakupangela amo kuli Njambi, co yeni munapu lihya lya Njambi. Co lalo munapu kutunga kwa Njambi.

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

Efeso 2:22

Muli ikeye neni lalo valinakumitunga mumo na vakweni veka ngeci mupwe njuvo ya Njambi ali Munzinzime wendi.

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.