2 Timateo 2:2 - Livulu lya Shukulu Kalunga

² Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

2 Timateo 2:2 Iomraidhean Croise

Ezela 7:10

Ezela waakele mbunge yendi mukulilongesa Mashiko a Shukulu Kalunga, nakuwalinga, nakulongesa vizilika na vilongesa vya Shukulu Kalunga kuli vanu vaIsalele.

Ezela 7:25

“Yove Ezela, ngwe ku mana anakwana Njambi yove, unapande kwangula vaka-kwendesa vipangi na maako ngeci vasompe vin̄anda vya vanu voshe vaje vali mu lifuti lya mu Kangombe ka Yambi ka Yufuleti vaje vazivuka Mashiko a Njambi yove. Co lalo na vaje kuvaazivuka unapande kuvalongesawo.

Nehemiya 7:2

Cooni njaakele vanu vavali vaka-kupangesa nakwendesa nganda ya Yelusalema, ndolome yange Hanani na Hananiya, mwata wa mashwalale va cimpaka ca vutewelo. Hanani wapwile munu wamuvwa muka-kukomoka Njambi, kukwesi umo walyesekele nendi wai.

Myaso 101:6

Njikashakezeka vanu vaje va kulongwa kuli Njambi, njikavatava ngeci vakakale amo nange, voshe vaje venda mu ngila ya vushunga, vakapwa vanu vaka-kunjipangela.

Visimo 13:17

Miluwa va kulongwa vakanene tuyando, oloni vaje vaka-kukulaela vakanene kwoloka.

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

VaLevi 14:42

Co mamanya eka vanapande kuwapangesa kwingisa mu mutambela wa mamanya aje vanatundisile, co vanapande kusalimba vije vivumbe mweka lalo.

Malakiya 2:7

Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Kulava 12:7

oloni kesi ngoco na ngamba yange Mosesa. Ikeye wapwa wa kulongwa, njinamwana moko ya vanu vange voshe va Isalele.

Mateo 13:52

Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”

Mateo 24:25

Tolilileni! Njinamilekela cimweja omo simbu kanda yete.

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

1 Kolinte 4:2

Cuma cishakiwako kuli vangamba vangacije cinapu eci, vakevo vanapande kupwa va kulongwa kuli shukulu yavo.

2 Kolinte 2:14

Oloni kukandelela kuli Njambi! Omwo muli Kilistu simbu yoshe ikeye natutwamenena ngwe mbunga ya vinzinda vaka-kuhyana muli Kilistu. Njambi akatupangesa mukulingisa Kilistu ashandoke ngwe lwengo lwaluvwa lwakumuzivuka kwoshe-ikwoshe.

2 Kolinte 3:5

Omwo muli yetu kumwesi cuma cimo cai cije citulingisa ngeci kwambulula kwetu kunapu kwakwasi. Kukwasa kwetu kulinakutunda kuli Njambi.

Kolose 1:7

Mwalilongesele vya kutetela kwa Njambi kuli Epafalase, ngamba mukwetu itwazema, uje napu muka-kupanga wa kulongwa wa Kilistu ku mutambela wetu.

1 Timateo 1:12

Njikandelela kuli Kilistu Yesu Mwene yetu, uje nanjitakamesa mu vipangi vyange. Njimukandelela omwo akunjiyongwela ngeci njinapandemo nakunjimika kumupangela,

1 Timateo 1:18

Timateo munange, njikukundika ku lishiko eli, likelyo linapu ngwe majwi a vuka-kwimanena vendekele laja ali yove. Pangesa majwi awa ngwe vitwa vya nzita ngeci ulwe mwamuvwa,

1 Timateo 4:14

Kesi wecele vwana vwa munzinzime vuje vuli muli yove, vuje vuvakwanene omo vaka-kwimanena vendekele nomo vakulunu vakambekele mavoko avo ali yove.

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

1 Timateo 5:22

Kesi uzambule vwasi-vwasi kukambeka mavoko ali vanu mukuvakundika ku vipangi vya Mwene. Kesi ulipandakane mu vuvi vwa vanu veka, linyunge yove vavenya nakulijelesa.

1 Timateo 6:12

Lwa nzita yaivwa yakukulaela, nganyala mwonyo wa myaka yoshe, uje wakusanenene Njambi omo walitavelele ku mesho a vakaleo vavangi.

2 Timateo 3:10

Oloni yove unakavangeya kulongesa kwange na futisi yange na vutumbe vwakuyoya kwange, unanongonona kukulaela kwange na kusimpa kwange na lukakateya lwange,

2 Timateo 3:14

Oloni yove, kakateya mu vushunga vuje vuvakulongesele, co unemanao mbe mukukulaela. Wazivuka veya vaje vapwile valongisi vove,

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

1 Samwele 2:35

Njikaangula muka-kukombelela wa kulongwa ku mesho ange, ikeye akalinga vyuma vyoshe vinjishaka ngeci avilinge. Co njikamwana vatekulwila vaje vakapanga simbu yoshe ku mesho a uje mwene injinalyangwila.