2 Timateo 2:12 - Livulu lya Shukulu Kalunga

¹² Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

2 Timateo 2:12 Iomraidhean Croise

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Mateo 10:33

Oloni woshe akanjivyana ku mesho a vanu, nange lalo njikamuvyana ku mesho a Tate ali mwilu.

Mateo 26:35

Petulu wamukumbulwile ngwendi, “Kunjikendeka ngwange kunjikuzivuka, nameme kutsa vene njikatsa amo nove!” Co na vandongisi vakwavo voshe vendekele cuma cimo.

Mateo 26:75

co Petulu wanukile lijwi lya Yesu, omo wendekele nendi ngwendi, “Simbu ndemba kanda atambeke, ukanjivyana visimbu vitatu.” Co watuukile anja walilile manene.

Mako 10:33

Wendekele ngwendi, “Tolilileni, tulinakulamata nakuya ku Yelusalema, co Muna Munu vakamwana ku mavoko a vakulunu va vaka-kukombelela na kuli valongisi va majwi a Lishiko. Co vakamuhisa nakumutwala ku kutsa, co vakamwana kuli vaka-kujeneka kukulaela,

Mako 8:38

Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Luka 12:9

Oloni woshe akanjivyana ku mesho a vanu, na Muna Munu lalo akamuvyana ku mesho a tungelo twa Njambi.

Luka 22:29

ngwe mwananjana Tate moko yakushwana, neni lalo njikamyana moko yakushwana.

Luka 22:30

Yeni mukalya nakunwa nange mu Vumwene vwange, co mukatumbama a matanda nakusompa miyati likumi na ivali ya Isalele.

Luka 9:26

Nga munu anjizivila shwamwa na vilongesa vyange, co na Muna Munu lalo nendi akamuzivila shwamwa omo akaija mu vumpau vwendi na mu vumpau vwa Ishe na mu vumpau vwa tungelo vakujela.

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

Loma 5:17

Mwa vushunga a vuvi vwa munu umolika kutsa kwashwanene omwo uje munu umolika. Oloni vyuma vije vinasholoka vyanalingi uje munu umolika, ikeye Yesu Kilistu vinahyana manene! Voshe vaje vanatambula kutetela kwa Njambi kwa myaka yoshe vanavapwisa vaka-vushunga ku mesho endi vakashwana mu mwonyo ali Kilistu.

Loma 8:17

Omwo tunapu vana vendi, tukatambula vivezikiso vije Njambi natulikila vanu vendi, co lalo tukatambula muli Kilistu vije vyanamutulikila Njambi, omwo nga tuyanda amo na Kilistu, co lalo tukakala amo mu vumpau vwendi.

Filipu 1:28

Kesi mukale na lyova lya vitozi veni, oloni simpeni simbu yoshe, eci cikavasholwela vukaleo ngeci vakevo kuvakahyana oloni yeni mukahyana, omwo Njambi ikeye akamihyanesa.

1 Timateo 5:8

Oloni nga umo kasa kunyunga vavushoko vwendi, vunene kuli vanu vaka-naanga yendi, navyana kukulaela, navihya kutuvakana uje kesi muka-kukulaela.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 20:6

Kuvwaelela nakuvezika kwakama kuli vaje vakasanguka a cisangukilo cakulivanga. Kutsa kwamucivali kucesi na nzili ali vakevo, vakapwa vaka-kukombelela va Njambi na Kilistu, co vakashwana amo nendi myaka 1,000.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 3:8

Njinazivuka vije viwukalingi, njinazivuka ngeci yove uli na nzili yaindondo, unakavangeya vilongesa vyange, co unapu muka-kulongwa kuli yange. Njinashokolola lipito kulutwe lwove, kukwesi umo asa kulishoka.

Kujombolola 5:10

Co unavapwisa vumwene vwa vaka-kukombelela mukupangela Njambi yetu, co vakashwana ano asi.”