2 Timateo 1:7 - Livulu lya Shukulu Kalunga

⁷ Omwo Njambi katwanene munzinzime wa lyova, oloni Munzinzime wendi natushulisa na nzili na cizemo nakulinyunga.

2 Timateo 1:7 Iomraidhean Croise

Myaso 119:80

Mbunge yange ipwe ya vushunga ku mashiko ove, ngeci kesi njizive shwamwa.

Visimo 2:7

Shukulu Kalunga natulikila mana vaka-vushunga nakunyunga vaka-kulongwa, amena vaka-kujeneka mulonga.

Visimo 8:14

Njikatumbu matumbe nakuwalinga, nji muka-kuzivisisa, co njapwa muka-nzili.

Isaya 11:2

Munzinzime wa Shukulu Kalunga ukamwana mana, nakuzivuka na kulongwa mukushwana vanu vendi. Ikeye akazivuka cizango ca Shukulu Kalunga co akamusingimika,

Mika 3:8

Oloni ngeci mwange, Shukulu Kalunga nanjishulisa na munzinzime wendi na nzili yendi, nakunjana mana a vushunga nakusimpa mukuleka vanu va mu Isalele vuvi vwavo muvwafwa.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Luka 10:19

Tolilileni! Njamyana moko ngeci mukalyatangele manyoka na manyewe, nakuhyana nzili yoshe ya Citozi, co nacimo cai cikamivulumuna.

Luka 15:17

Omo waliyongwele, walyendekesele ngwendi, ‘Vangamba voshe va tate valinakulya nakukuta nakusezao, yange njilanduka ku njala!

Luka 24:49

Yange njikatuma kuli yeni vije vyanjikulaese Tate. Oloni munapande kuvandamena mu nganda noo nzili yakutunda kwilu inaija ali yeni.”

Luka 8:35

Co vanu vaileko nakukamona vije vyalingiwile, omo vezile kuli Yesu, co vawanene munalume uje wakele na minzinzime yakujwala natumbama ku mendi a Yesu, nazala mwamuvwa, nalikongomeka, co voshe vakele na lyova.

Yowano 14:27

“Kwoloka njimisezela, kwoloka kwange njilinakumyana. Kesi ngwe muvakana muje vaka-kaye. Kesi mulishoshomwene mu vimbunge vyeni, nameme kesi muzive lyova.

Vilinga vya Miluwa 1:8

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 21:13

Oloni wakumbulwile ngwendi, “Vikajo mulinakulinga? Kulila nakupokola mbunge yange? Njinalivwaesela cimweja kesi lika kunjikuta mu Yelusalema embwe, oloni nameme kutsila vene muje omwo a lizina lya Mwene Yesu.”

Vilinga vya Miluwa 26:11

Co visimbu vyavingi njavanyanyamesele mu masinangonge nakweseka kuvasindiya ngeci vavyane kukulaela kwavo. Co njaluvalele manene navo ngeci njaile ku vinganda vyeka nakuvayandesa.

Vilinga vya Miluwa 26:25

Oloni Paulu wakumbulwile ngwendi, “Kunjazalukile, Yove Mwene Fesitase! Njilinakwendeka majwi amavwa a vushunga.

Vilinga vya Miluwa 6:8

Co Setefano, mukushula na vivezikiso vya Njambi nakushula na nzili, walingile vizivukiso na vikomokeso vyakama akati ka vanu.

Vilinga vya Miluwa 9:22

Oloni Saulu wakele na nzili manene, wavayesele vaYunda vaje vakele mu Ndamasiku, wavalekele ngwendi Yesu wapwile Wakuvwavesa.

Loma 5:5

Co cinyangavili eci kucasa kutuzivisa shwamwa, omwo Njambi netila cizemo cendi mu vimbunge vyetu ali Munzinzime Wakujela, ikeye napu vwana vwa Njambi kuli yetu.

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

1 Kolinte 2:4

co kulongesa kwange na muzimbu wange kuvyakele njavyanene na majwi a vutongwe a mana a vanu, oloni na cizivukiso ca nzili ya Munzinzime wa Njambi.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Kolose 1:8

Natuleka vya cizemo cije canamyana Munzinzime.

VaHevelu 2:15

Co mu cifwa eci vene akapatule vaje voshe vapwile vindungo mukuyoya kwavo kwoshe omwo lyova lya kutsa.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Yowano 4:18

Kukwesi lyova mu cizemo, oloni cizemo ca vushunga cisheka lyova lyoshe. Ngecivene, cizemo kucapwile ca vushunga muli umo uje ali na lyova, omwo lyova lyakundama kukunyanyamesa.