2 Timateo 1:3 - Livulu lya Shukulu Kalunga

³ Njikandelela kuli Njambi, uje njilinakupangela na citaku-taku cakutungukwa ngwe muvalingile vakukulwila vange. Njikamukandelela omo njikakwanuka simbu yoshe mu malombelo ange vutsiki na mutanya.

2 Timateo 1:3 Iomraidhean Croise

Luka 2:37

cooni wapwile fwile a myaka makumi atanu na atatu na myaka iwana. Ikeye katundile mu Njuvo ya Shukulu Kalunga, mutanya na vutsiki wakele nakulemesa Njambi, nakulikela kulya nakulombela.

Vilinga vya Miluwa 22:3

“Yange nji kaYunda, njasemukilile ku Talisi mu Silisha, oloni vanjilelelele muno mu Yelusalema, co njalilongesele kuli Ngamalyele. Njatambwile mwamuvwa vilongesa mu Mashiko a vakukulwila vetu, co njalikundikile kuli Njambi ngwe mumunafu yeni voshe mulikuno litangwa lya lelo.

Vilinga vya Miluwa 23:1

Paulu wakengele shwii ali ije Munga, co wendekele ngwendi, “Vavushoko vwange vaIsalele! Viyongola vyange vinapu vya vushunga a ngila ije injinayoyo nayo ku mesho a Njambi nakweta ku litangwa lya lelo.”

Vilinga vya Miluwa 24:14

Oloni njitava cuma eci kuli yove ngwange, njikalemesa Njambi ya vakukulwila vetu akukava Ngila ya Mwene ije vakevo vendeka ngwavo inapu ya makuli. Oloni njakulaela mu vyuma vyoshe vije vanasoneka mu Lishiko lya Mosesa na mu mavulu a vaka-kwimanena.

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

Vilinga vya Miluwa 26:4

“VaYunda voshe vazivuka vati njinayoyo tunde ku vukwenje vwange. Vazivuka kuyoya kwange kwoshe, akulivanga mu lifuti lyange vavenya na mu Yelusalema.

Vilinga vya Miluwa 27:23

Omwo ku vutsiki vunahu, kangelo ka Njambi uje kunjakundama uje lalo njikalemesa nezile kuli yange,

Loma 9:1

Njilinakwendeka vushunga muli Kilistu, co kunjesi nakwendeka makuli embwe. Citaku-taku cange lalo cilinakwambulula amo nange ali Munzinzime Wakujela,

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

Ngalatiya 1:14

Njahyanene vakwetu vamo va vaYunda vaje twakolelele amo omwo njanyanyamene manene ku futisi ya vuYunda, co njalikundikile manene ku vilika vya vakukulwila vetu.

Efeso 1:16

kunjalikelele kukandelela kuli Njambi omwo yeni. Njilinakumyaanuka mu malombelo ange,

1 Tesalonika 3:10

Mutanya na vutsiki tulinakumulomba na vimbunge vyetu vyoshe ngeci atutave kumimona mesho na mesho nakumyana vije vimunajeneka mukukulaela kweni.

1 Timateo 1:19

co nyunga kukulaela kwove nakutungukwa kwa citakutaku cove. Vanu vamo kuvesi nakutolilila ku vitaku-taku vyavo, co vananyongesa laja kukulaela kwavo.

1 Timateo 1:5

Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga.

1 Timateo 5:5

Fwile uje alinakuyoya endi lika, uje kesi na uje mukakumulela, uje naaka cinyangavili cendi muli Njambi na kukakateya mukulombela vutsiki na mutanya ngeci amukwase.

2 Timateo 1:5

Njilinakwanuka kukulaela kwove kwa vushunga, kukulaela kwa kuje kuku yove Loisi na vanyako Yunisi vakele nakwo. Njakulaela ngwange nove lalo ulinakwo.

2 Timateo 3:15

co wazivuka ngwove tunde ku vwanike vwove, unazivuka Visoneka Vyakujela, vije vyasa kukwana mana mukukutwamenena kukwovoka kwakukulaela muli Kilistu Yesu.

VaHevelu 13:8

Yesu Kilistu ikeye umolika na izau na lelo na ku myaka yoshe.

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.