2 Timateo 1:13 - Livulu lya Shukulu Kalunga

¹³ Kakateya mbe ku majwi a vushunga aje njakulongesele, apwe cimweso kuli yove mukuwakava, co unapande kukala mukukulaela na cizemo vije vinapu vyetu muli Kilistu Yesu.

2 Timateo 1:13 Iomraidhean Croise

Visimo 23:23

Landa vushunga, na mana, na vilongesa, nakuzivisisa, co kesi ulyangunuke navyo.

Visimo 3:18

Mana anapu ngwe muti wa mwonyo, nsina yakuvwaelela kwa voshe vaje vauvumbatela.

Visimo 3:21

Munange, nyunga mana ove nakuzivuka kwove kwakuvwa. Kesi vitunde muli yove.

Visimo 4:13

Kwatelela kunangula, kesi wecele! Cinyunge, cikeco mwonyo wove.

Visimo 8:14

Njikatumbu matumbe nakuwalinga, nji muka-kuzivisisa, co njapwa muka-nzili.

Loma 2:20

unapu muka-kushungamesa vilema, na mulongisi kuli vaje vali ku nzimba. Wazivuka mwa vushunga ngwove mu Lishiko unawanamo mana akushula na vushunga.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Filipu 4:9

Lingeni vipangi vije mwalilongesele nakuvitambula kuli yange, ku majwi ange na ku vilinga vyange. Co Njambi uje muka-kutwana kwoloka akakala amo neni.

Kolose 1:4

Omwo twazivi kukulaela kweni muli Kilistu Yesu, na cizemo ceni kuli vanu va Njambi voshe.

1 Tesalonika 5:21

Pweni vaka-kweseka vyuma vyoshe, co nyungeni vije vinapu vyavivwa,

1 Timateo 1:10

na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

1 Timateo 6:3

Nga woshe alongesa vilongesa vyeka, co kalitombola na vushunga vwa lijwi lya Mwene yetu Yesu Kilistu na vilongesa vya vu Njambi vwetu

2 Timateo 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, uje wanjitumine mukwambulula mwonyo wa cikulaeso uje tulinawo muli Kilistu Yesu.

2 Timateo 1:14

Nyunga vyuma vyavivwa vije vivanakukundika a nzili ya Munzinzime Wakujela uje alinakuyoya muli yetu.

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

2 Timateo 3:14

Oloni yove, kakateya mu vushunga vuje vuvakulongesele, co unemanao mbe mukukulaela. Wazivuka veya vaje vapwile valongisi vove,

2 Timateo 4:3

Omwo simbu ikaija omo vanu kuvakatolilila ku kulongesa kwa vushunga, oloni vakakavangeya mashungu avo, co vakalikungulwila valongisi vavangi vangi vaje vakavaleka vije vashaka kuziva.

Tito 1:9

Napande kupwa muka-kukakateya mu lijwi mbe, lije vasa kukulaela, co lilitavasana nakulongesa kwetu. Mu ngila eyi vene akasa kutakamesa vakwavo na vilongesa vya vushunga, nakusholola lalo milonga ya vaje valinakushaula lijwi.

Tito 2:1

Oloni yove longesa vyuma vije vinalizivasana na vilongesa vya vushunga.

Tito 2:8

Pangesa majwi akushungama aje kuwesi na kapenga, ngeci vitozi vove vakale na shwamwa,co vonwe kwendeka vyavivi ali yetu.

VaHevelu 10:23

Co tukakateyeni mbe ku cinyangavili cije tunatava, omwo tunakulaela ngwetu Njambi nanyungu cikulaeso cendi.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

VaHevelu 4:14

Ngecivene, tukakateyeni kukukulaela oku tunatava. Omwo tuli na Muka-kukombela Wakama uje ali ku mesho a Njambi, ikeye Yesu Muna Njambi.

Yunda 1:3

Vasamba vange, njalingile ngwe munjinasela mukumisonekela akwovoka kuje tunalipangezela, omo njawanene ngeci mwamuvwa kumisonekela ololo nakumitakamesa kutwalao kulwila kukulaela kuje Njambi wanenene lumo kuli vanu vendi voshe.

Kujombolola 2:25

Oloni munapande kukakateya mbe kuli vije mulinavyo noo njikaija.

Kujombolola 3:11

Njilinakwija vwasi-vwasi. Nyunga mwamuvwa vije viwulinavyo, ngeci kesi kukale umo akunyeke cilongo cove cakuhyana.

Kujombolola 3:3

Ngecivene, anuka vije vivakulongesele na vije viwazivile, vyononoke, co tenguluka ku vivi vyove. Nga shove kwinduka, njikaija kuli yove ngwe mwizi, co kuukazivuka nameme simbu ije njikaija kuli yove.