2 Timateo 1:12 - Livulu lya Shukulu Kalunga

¹² eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

2 Timateo 1:12 Iomraidhean Croise

Myaso 25:2

Muli yove Njambi yange njinakulaela. Shwamwa kesi injikole, vitozi vange kesi vanjifungulule!

Myaso 31:5

Mu mavoko ove njikundika mwonyo wange, yove Shukulu Kalunga Njambi wa vushunga, yove unanjikulu.

Myaso 56:9

Litangwa lije njikatambeka kuli yove, vitozi vange vakeluka munima, omwo njazivuka ngeci Njambi ali amo nange!

Myaso 9:10

Voshe vaje vasingimika lizina lyove, vasa kukulaela kuli yove, omwo yove Shukulu Kalunga wapwa wa kulongwa kuli vaje vanakulaela kuli yove.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 50:7

Oloni kunjishaula kucasa kunjizivisa shwamwa, omwo Shukulu Kalunga wa Akamwa ya Vyoshe anjikwasa. Njazivuka ngeci kunjikazivi shwamwa,

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Nahumi 1:7

Shukulu Kalunga wapwa wamuvwa, Akamena vanu vendi mu simbu ya tuyando, akanyungu vaje vatengulukila kuli ikeye.

Mateo 12:21

Co muli ikeye vanu voshe vaje kesi vaYunda vakaka cinyangavili cavo muli ikeye.”

Mateo 24:36

“Oloni litangwa lije, nambe simbu ije, naumo wai avizivuka, nambe tungelo va mwilu, nambe Mwana, oloni Ishe lika ikeye azivuka.

Mateo 7:22

A Litangwa Lyakusompa, vavangi vakendeka kuli yange ngwavo, ‘Mwene, Mwene! Mu lizina lyove twambulwile muzimbu wa Njambi, co lalo mu lizina lyove twatundisile minzinzime yakujwala, co lalo mu lizina lyove twalingile vizivukiso vyavingi!’

Luka 10:12

Mwa vushunga njimileka ngwange, a Litangwa Lyakusompa Njambi akamwesa vaka-Sondoma mema ku mbunge kutuvakana nganda ije!

Luka 23:46

Yesu watambekele na lijwi lyakama ngwendi, “Tate! Njikundika munzinzime wange mu mavoko ove.” Omo wamanesele kwendeka ngeci, co watulile mwonyo wendi.

Yowano 17:15

Kunjikulombo ngeci uvatundise ano a kaye embwe, oloni njikulomba ngwange uvanyunge kuli Citozi.

Yowano 6:44

Naumo wai aija kuli yange kuvanga Tate uje wanjitumine amunene kuli yange, co njikamusangwila ku mwonyo a litangwa lyakukotoka.

Vilinga vya Miluwa 13:46

Oloni Paulu na Mbanambase vendekele nakusimpa ngwavo, “Cinapande ngeci lijwi lya Njambi valyendeke kuli yeni akulivanga. Oloni omwo mwalivyanene, co munaliyongola yeni vavenya ngweni kumwapandele kutambula mwonyo wa myaka yoshe, co tumiseza nakuya kuli vaje kesi vaYunda.

Vilinga vya Miluwa 13:50

Oloni vaYunda vashongangeyeye vaka-kutwamenena va mu nganda na vanakazi vakutsimana vaje kesi vaYunda vaje va kulongwa. Co vashangumukile kupakesa Paulu na Mbanambase nakuvasheka mu mutambela wavo.

Vilinga vya Miluwa 21:13

Oloni wakumbulwile ngwendi, “Vikajo mulinakulinga? Kulila nakupokola mbunge yange? Njinalivwaesela cimweja kesi lika kunjikuta mu Yelusalema embwe, oloni nameme kutsila vene muje omwo a lizina lya Mwene Yesu.”

Vilinga vya Miluwa 7:59

Co vakele nakwasha mamanya Setefano omo wakele nakulombela ngwendi, “Mwene Yesu tambula munzinzime wange!”

Vilinga vya Miluwa 9:16

Omwo yange njikamuleka vyoshe vije vyanapande kuyanda omwo lizina lyange.”

Loma 1:16

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

Loma 9:33

ngwe muvyendeka visoneka ngwavyo, “Kenga, njikaka limanya mu Siyone lije likatanukisa vanu, limanya lije likavawisa. Oloni woshe uje akulaela kuli ikeye kakazivi shwamwa.”

1 Kolinte 1:8

Ikeye lalo akamikolesa mbe na ku shongo, ngeci kesi vakamiwane na mulonga a Litangwa lya Mwene yetu Yesu Kilistu.

1 Kolinte 3:13

Co vipangi vya munu na munu vikasholoka a Litangwa lya Kilistu lije likavisholola. Omwo a Litangwa omwo vakavimwesa lije tuhya tukasholola vipangi vya munu na munu, tuhya tukavyeseka nakusholola seo yavyo.

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

Filipu 3:10

Cuma cinjishaka a vyoshe evi cinapu kuzivuka Kilistu nakumona nzili ya cisangukilo cendi, kulipangela tuyando twendi nakupwa ngwe ikeye mu kutsa kwendi,

Filipu 3:21

Ikeye akemukisa mivila yetu yakuvotsiya ya kutsa nakuyipwisa ngwe muvila wendi vavenya wa vumpau, kupangesa nzili ije ikeye asa kunena vyuma vyoshe mwisi yakushika kwendi.

Filipu 3:8

Kesi lika a vyuma vije embwe, njilinakulava vyuma vyoshe ngwe vinapu vyangoco omwo seo yakama, yakuzivuka Kilistu Yesu Mwene yange. Omwo ali ikeye njinombila vyuma vyoshe, kuli yange njilinakuviyongola ngwe vinapu mazilo, ngeci njinganyale Kilistu,

1 Tesalonika 2:16

Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!

1 Tesalonika 5:4

Oloni yeni vasamba vange, kumwesi mu lisusulungu, co Litangwa lije kesi likamikasumune ngwe mwizi.

1 Timateo 6:20

Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”

2 Timateo 1:14

Nyunga vyuma vyavivwa vije vivanakukundika a nzili ya Munzinzime Wakujela uje alinakuyoya muli yetu.

2 Timateo 1:16

Mwene amimwesa mema ku mbunge ku naanga ya Onesifolase, omwo ikeye visimbu vyavingi wanjivwaelelesele. Kazivile shwamwa omo yange njili mu kamenga,

2 Timateo 1:18

Mwene akamwane kutetela kwendi a Litangwa lije! Wazivuka mwamuvwa kukwasa kwendi muje njakele mu Efeso.

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

2 Timateo 2:9

Omwo njilinakwambulula Vin̄anda Vyavivwa, njilinakuyanda nakunjikuta mu malyenge ngwe nji lipwepwe. Oloni lijwi lya Njambi kuvalyakele mu malyenge.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 2:18

Omwo wayandele, co wamwene vyeseko, ikeye lalo asa kukwasa vaje valinakumona vyeseko.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

1 Petulu 1:5

Vinapu vyeni, akukulaela vanaminyungilavyo mwamuvwa na nzili ya Njambi yakwovoka ije inalivwaesela kusholoka a simbu yakukotoka.

1 Petulu 4:16

Oloni nga uyanda omwo u muka-Yesu, kesi uzive shwamwa, oloni kandelela kuli Njambi ngeci unambata lizina lya Kilistu.

1 Petulu 4:19

Ngecivene, vaje valinakuyanda ngwe ku cizango ca Njambi, a vilinga vyavo vyavivwa vanapande kulyana kuli Ishamatanga wavo, uje simbu yoshe akanyungu cikulaeso cendi.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,