2 Samwele 9:7 - Livulu lya Shukulu Kalunga

⁷ Co Ndaviti wendekele ngwendi, “Kesi uzive lyova embwe. Njikakuzivila ngozi omwo ya isho Yonatana. Njikakwilwisila lifuti lyoshe lije lyapwile lya kuku yove Saulu, co simbu yoshe ukalya nange ku mesa.”

2 Samwele 9:7 Iomraidhean Croise

Kushangumuka 43:18

Omo vavanenele ku njuvo, vazivile lyova vayongwele ngwavo, “Vanatunena kuno omwo a vimbongo vije twelukile navyo mu vinjeke vyetu a simbu yakulivanga. Ngeconi ololo, vatulwisa ngeci vambate vimulu vetu nakutupwisa vinzinda.”

Kushangumuka 43:23

Uje ngamba wendekele kuli vakevo ngwendi, “Kesi mulinyenge. Nambe kuziva lyova. Njambi yeni, ikeye Njambi ya ishweni, waakele vimbongo mu vinjeke vyeni. Yange njatambwile vije vimbongo vyeni.” Asinoni wanenele Simyoni kuli vakevo.

2 Samwele 12:8

Co njakwanene vumwene vwendi na munakazi wendi, njakupwisile mwene kushwana Isalele na Yunda. Nga evi vyapwile vyavindondo, nga njakuwezelelako luvali ku evi ulinavyo.

2 Samwele 19:28

Voshe va ka naanga ya tate vapandele kuvatsiya kuli yove shukulu, oloni yange wanjitavesele kulya ku mesa yove. Co ololo kunjesi na nzili yakulomba lalo vuvwa kuli yove shukulu.”

2 Samwele 19:29

Mwene wamukumbulwile ngwendi, “Kesi wendeke lalo vyavingi. Njavwaesa laja ngeci yove na Ziva mulipangele vufuko vwa Saulu.”

2 Samwele 19:33

Mwene wendekele kuli ikeye ngwendi, “Tuye amo nange ku Yelusalema, co njikakunyunga.”

2 Samwele 21:7

Oloni omwo acikulaeso cakujela cije calingile na Yonatana, Ndaviti waameneneo Mefimboshete muna Yonatana, mutekulu wa Saulu.

2 Samwele 9:1

Litangwa limo Ndaviti wehwile ngwendi, “Kuma kukwesi umo nasalako ku naanga ya Saulu ndi? Nga kwali, njishaka kumuzivila ngozi omwo ya Yonatana.”

2 Samwele 9:10

Ngecivene, yove, na vana vove, na vangamba vove vakalima livu lya naanga ya shukulu yove Saulu, co mukateja vimbuto ngeci mukavawanene vyakulya. Oloni Mefimboshete ikeye akalila ku mesa yange simbu yoshe!” (Ziva wakele na vana va vanalume likumi na vatanu, na vangamba makumi avali.)

2 Samwele 9:11

Ziva wakumbulwile ngwendi, “Njikalinga vyuma vyoshe vije vyanashiki shukulu yange.” Ngecivene, Mefimboshete wakele nakulyalyalya ku mesa ya mwene, ngwe umo wa vana va vimyene.

2 Samwele 9:13

Ngecivene, Mefimboshete, wapwile cilema watengukile mendi, wakele mu Yelusalema, co wakele nakulila vyakulya vyendi vyoshe ku mesa ya mwene.

2 Samwele 9:3

Co mwene wamwihwile ngwendi, “Kuma kukwesi umo nasalao ku naanga ya Saulu, uje njasa kuzivila ngozi, ngwe munjakulaesele Njambi ngwange njikalingamo ndi?” Co Ziva wakumbulwile ngwendi, “Kwali umolika muna Yonatana. Oloni ikeye cilema, watenguka mendi.”

1 Vimyene 2:7

“Oloni mwesa ngozi kuli vana va Mbazilai wa ku Ngilyande nakuvanyunga, vakele na ngozi ali yange omo njatewele ndolome yove Avisalome.

2 Vimyene 25:29

Ngecivene, Yehoyakine vamutavesele kuzala vuzalo vwendi kutuvakana kuzala vuzalo vwa mu kamenga, co vamutavesele lalo kulyalyalya amo na mwene matangwa oshe akuyoya kwendi.

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Njelemiya 52:33

Ngecivene, Yehoyakine vamutavesele kuzala vuzalo vwendi kutuvakana kuzala vuzalo vwa mu kamenga, co vamutavesele lalo kulyalyalya amo na mwene matangwa oshe akuyoya kwendi kwoshe.

Zakaliya 7:9

“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo.

Mateo 6:11

Twane kulya kwetu kwa litangwa lyangongo,

Luka 22:30

Yeni mukalya nakunwa nange mu Vumwene vwange, co mukatumbama a matanda nakusompa miyati likumi na ivali ya Isalele.

Kujombolola 3:20

Tolilila! Njinemana ku lipito nakutota, nga umo aziva lijwi lyange nakushokolola lipito, njikakovela mu njuvo yendi nakulya amo nendi, na ikeye lalo akalya amo nange.

1 Samwele 12:24

Ononokeni Shukulu Kalunga nakumupangela na kulongwa na mbunge yeni yoshe. Anukeni vyuma vyakama vyanamilingila.

1 Samwele 20:15

kala nakutetela kwangacije ku naanga yange ku myaka yoshe. Omwo Shukulu Kalunga akanyongesa vitozi vove voshe,

1 Samwele 22:23

Kala kuno nange kesi uzive lyova embwe. Saulu ashaka kutsiya yove nange muvuvali vwetu, oloni yove ukakala nange.”