2 Samwele 7:8 - Livulu lya Shukulu Kalunga

⁸ “Ngecivene, leka ngamba yange Ndaviti ngwove, yange, Kalunga Muka-nzili yoshe, njendeka kuli ikeye ngwange, ‘Njakutundisile mukulisa vimanga mu shwata, co njakupwisile muka-kushwana vanu vange va Isalele.

2 Samwele 7:8 Iomraidhean Croise

2 Samwele 12:7

Co Natane wendekele kuli Ndaviti ngwendi,“Uje munalume wakufwa ngacije ni, napu yove vene. Omu mukemwo mwanendeka Shukulu Kalunga Njambi ya Isalele ngwendi, ‘Njakupwisile mwene wa mu Isalele nakukwamena kuli Saulu.

2 Samwele 14:13

Co uje munakazi wendekele kuli mwene ngwendi, “Omo vikajo unalingi vuvi vwa cifwa cangacije ku vanu va Njambi? Yove kuwatavele munove eluke kutunda ku vunzinda, co ololo walihisa yove vavenya nevi unendeka.

2 Samwele 23:1

Ndaviti muna Njesi wapwile munu uje Njambi wamupwisile wakama, uje Njambi ya Yakomba wamwangwile kupwa mwene, ikeye wapwile muka-kumanga myaso yaivwa ya Isalele. Awa akewo majwi a Ndaviti akumanesela.

2 Samwele 24:17

Ndaviti wamwene kangelo uje wakele nakutsiya vanu, co wendekele kuli Shukulu Kalunga ngwendi, “Yange vene njili na mulonga. Yange njalingile mwamuvi. Indi ava vanu vayanda vanalingi vikajo? Yove unapande kuhisa yange na naanga yange.”

2 Samwele 5:2

A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga wakukulaesele ngeci ukatwamenena vanu vendi nakupwa mwene yavo.”

2 Samwele 6:21

Co Ndaviti wamukumbulwile ngwendi, “Yange njakinine nakusingimika Shukulu Kalunga, uje wanjangwile kuhyana isho na naanga yendi nakunjipwisa ntwama ya vanu vendi va Isalele. Anga njicitwalao vene kumusingimika Shukulu Kalunga,

1 Vimyene 3:6

Solomoni wamukumbulwile ngwendi, “Simbu yoshe wamwesele tate Ndaviti ngamba yove, cizemo cakama, ikeye walikongomekele, na kulongwa na kasingimiko mu kulitombola nove. Co yove watwaleleo kumumwesa vukama vwove na cizemo cove cije kucesi kutenguluka akumwana mwana ou ku litangwa lya lelo alinakushwana mu mwela wendi.

1 Vimyene 8:16

‘Tunde a litangwa lije njatundisile vanu vange mu Ingito, njangwile nganda naimo yai mu lifuti lyoshe lya Isalele ngeci vase kutungilamo Njuvo mwakunjilemesela. Oloni njaangwile yove Ndaviti kushwana vanu vange.’ ”

1 Mizimbu 17:7

“Ngecivene, leka ngamba yange Ndaviti ngwove, yange Kalunga Muka-nzili yoshe, njendeka kuli ikeye ngwange, ‘Njakutundisile mukulisa vimanga mu shwata, co njakupwisile muka-kushwana vanu vange va Isalele.

1 Mizimbu 21:17

Co Ndaviti walombelele ngwendi, “Shukulu Njambi, yange vene njili na mulonga. Yange vene njashikile kulava vanu. Indi ava vanu vayanda vanalingi vikajo? Shukulu Kalunga, Njambi yange, njihise yange na naanga yange, co amena vanu vove.”

Amose 7:15

Oloni Shukulu Kalunga ikeye wanjitundisile ku vipangi vyange vyakunyunga, co wanjishikile ngeci njambulule vuka-kwimanena kuli vanu vendi va mu Isalele.

Vilinga vya Miluwa 7:46

Ikeye Ndaviti wawanene kutetela ku mesho a Njambi, co walombele Njambi amutave ngeci atungile Njambi ya Yakomba njuvo.

1 Samwele 10:1

Ngecivene, Samwele wanonele lilulu lya mazi a olive waetilile a mutwe wa Saulu, wamutsembele, co wendekele ngwendi, “Shukulu Kalunga nakuvwavesa mazi kupwa muka-kushwana vanu vendi va Isalele. Ukashwana vanu vendi nakuvanyunga ku vitozi vavo voshe. Co ovu vukevwo vukaleo vwove ngeci Shukulu Kalunga nakwangula kupwa muka-kushwana vanu vendi.

1 Samwele 2:8

“Ikeye atundisa tuutu mu likungu, co avakwasa mukujeneka kwavo. Akavapwisa vasamba va vimyene akavaka mu myela ya kasingimiko. Luvula lwa kaye lwapwa lwa Shukulu Kalunga, akeo natungila kaye.

1 Samwele 9:16

“Imene a simbu ino vene njikakutumina munu wa ku muyati wa Mbenjemani, muvwavese mazi ngeci apwe muka-kushwana vanu vange va Isalele, ikeye akavamena kuli vaFilisitiya, omwo njinamono tuyando twa vanu, co njazivi kulila kwavo ngeci njivakwase.”