2 Samwele 7:23 - Livulu lya Shukulu Kalunga

²³ Kukwesi muyati weka lalo ano asi wakufwa ngwe Isalele, uje uwapatwile mu vunzinda nakuvapwisa vanu vove. Vyuma vije vyakama na vyakukomokesa vije viwalingile vinashandola lutsimo lwove mu kaye mwoshe. Yove washekele miyati yeka na vinjambi vavo omo vanu vove vakele nakuya kulutwe, vanu vaje wapatwile ku Ingito ngeci vapwe vove.

2 Samwele 7:23 Iomraidhean Croise

2 Samwele 7:24

Unalingisa vaIsalele kupwa vanu vove ku myaka yoshe, co yove Shukulu Kalunga, unapu Njambi yavo.

1 Mizimbu 17:21

Kukwesi muyati weka lalo ano asi wakufwa ngwe Isalele, uje uwapatwile mu vunzinda nakuvapwisa vanu vove. Vyuma vije vyakama na vyakukomokesa vije viwavalingilile vinashandola lutsimo lwove mu kaye mwoshe. Wapatwile vanu vove mu Ingito nakusheka miyati yeka omo vanu vove vakele nakuya kulutwe.

Nehemiya 1:10

“Shukulu Kalunga, ava vakevo vangamba vove, na vanu vove vawapatwile na nzili yove yakama.

Myaso 106:22

Vevalele Njambi uje walingile vyuma vyakukomokesa mu lifuti lya Ingito, na vyuma vyakujujwisa vije vyalingile ku Lishali Lyakuvenga.

Myaso 111:9

Shukulu Kalunga waamenene vanu vendi, nakulikumiiya navo cikumiiyo ca ku myaka yoshe. Lizina lyendi lyapwa lyakujela nakukomokesa!

Myaso 145:6

Vanu vakendeka a vilinga vyove vya nzili, co yange njikambulula a vukama vwove.

Myaso 147:20

Kalingile cuma eci na miyati yeka embwe, omwo vakevo kuvazivuka mashiko endi. Shangazaleni Shukulu Kalunga!

Myaso 40:5

Unatulingila vyuma vyavingi yove Shukulu Kalunga Njambi yetu, kukwesi weka lalo wakufwa ngwe yove! Yove unatulingila matumbe amangi akukomokesa, aje kunjasa kuwatumbula oshe, anapu amangi manene.

Myaso 44:3

Vanu vove kuvafungulwile lifuti lije na mikwale yavo embwe, nambe kushwana lifuti mu nzili yavo embwe, oloni eyi yapwile nzili yove na moko yove, a lizivasano lyove, nakuvamwesa ngeci yove wavazema.

Myaso 65:5

Yove ukatukumbulula nakutuhyanesa, unalingi vyuma vyakukomokesa mukutwamena. Vanu voshe vali ano asi, nameme vali kulyala ku mema a kalunga vanakulaela kuli yove.

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Kutuuka 12:12

“A vutsiki vuje njikaita mu lifuti lya Ingito, njikatsiya vana va vanalume voshe va va ntwatwa va vanu, na ava va tusitu vakulivanga kusemuka. Co njikahisa vinjambi voshe va mu Ingito, yange njapwa Kalunga.

Kutuuka 33:16

Vatijo vanu vakazivuka ngeci yove ulinakuvwaelela na vanu vove amo nange, nga yove kuuyi amo netu? Nga yove uya amo netu, co cikatwangununa ku vanu voshe veka vali ano asi.”

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Kutuuka 9:15

Nga njajundwile livoko lyange nakukupupa yove na vanu vove na mushongo wa ciita, nga wanyonga laja.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Njelemiya 32:20

Ku san̄ulu walingile vizivukiso na vikomokeso vyakukomokesa mu Ingito, co wakele nakuvilinga nakweta ku litangwa lya lelo mu Isalele, na akati ka miyati yoshe yeka, ngecivene, ololo vanakuzivuka kwoshe-ikwoshe.

Njelemiya 32:21

Watundisile vanu vove va Isalele mu Ingito, na vizivukiso na vikomokeso vyakukomokesa na livoko lyove lya nzili.

Ezekiyele 20:9

Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

Kulava 6:27

Shukulu Kalunga wendekele ngwendi, “Nga mukatumbula lizina lyange mukuvezikisa vanu va Isalele, co njikavavezikisa vene.”

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Kwituluka mu Mashiko 10:21

Mwaleseni, ikeye wapwa Njambi yeni. Ikeye wamilingilile vikomokeso vyakama vyakujujwisa, vije mwalimwenenene yeni vavenya na mesho eni.

Kwituluka mu Mashiko 15:15

Mwanuke ngeci neni mwapwile mu vinzinda mu lifuti lya Ingito, co Shukulu Kalunga Njambi yeni wamikulile, mukemwo njinamishiki mashiko awa ku litangwa lya lelo.

Kwituluka mu Mashiko 33:29

Wavezika yove Isalele! Kukwesi umo wakufwa ngwe yove wai, muyati wanamena Shukulu Kalunga. Shukulu Kalunga vavenya wapwa ntelo yeni, na mukwale weni, mukumyamena nakumihyanesa. Vitozi veni vakaija nakumilomba ngeci muvazivileko mema ku mbunge, oloni yeni mukavalyatangela.”

Kwituluka mu Mashiko 9:26

Co njalombelele kuli Shukulu Kalunga ngwange, ‘Yove Shukulu Kalunga wa Akamwa ya Vyoshe, kesi unyongese vanu vove vaje vawapatwile na nzili yove yakama kuvatundisa mu Ingito na livoko lyove lya nzili.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Yoshwa 7:9

Omo vaKanana na vanu veka va mu lifuti vakaziva vyuma evi, co vakatuzengeleka nakutunyongesa. Cooni yove Shukulu Kalunga cuma mukajo ukalinga mukunyunga lizina lyove lyakama?”

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.