2 Samwele 7:22 - Livulu lya Shukulu Kalunga

²² Ngecivene, vukama vwove, yove Shukulu Kalunga wa Akamwa ya Vyoshe, vwalifwa neyajo? Kukwesi weka wakufwa ngwe yove waiko, simbu yoshe twazivuka ngeci yove lika wapwa u Njambi.

2 Samwele 7:22 Iomraidhean Croise

2 Samwele 22:32

Shukulu Kalunga endi lika ikeye Njambi. Njambi endi lika ikeye cimpaka cetu.

1 Vimyene 8:23

walombelele ngwendi, “Shukulu Kalunga Njambi ya Isalele, kukwesi njambi wakulifwa nove mwilu nambe asi wai! Yove wanyunga cikumiiyo cove ku vanu vove nakumwesa cizemo cove cije kucesi kutenguluka kuli vangamba vove omo vononoka kuli yove na vimbunge vyavo vyoshe.

1 Mizimbu 16:25

Shukulu Kalunga wapwa wakama, co vanapande kumushangazala, ikeye lika vanapande kusingimika kuhyana vinjambi voshe.

2 Mizimbu 2:5

Njinayongola kutunga Njuvo ya Shukulu Kalunga yakama, omwo Njambi yetu wapwa wakama kuhyana vinjambi voshe.

Myaso 135:5

Njazivuka ngwange Shukulu Kalunga ikeye wapwa wakama, wapwa wakama kuhyana vinjambi voshe.

Myaso 145:3

Shukulu Kalunga wapwa wakama, co vanapande kumushangazala manene, naumo wai asa kuzivuka vukama vwendi.

Myaso 44:1

Yove Njambi, tunazivi laja na matwi etu, vakukulwila vetu vatulekele laja, vyuma vyakama vije viwalingile a simbu yavo, ku matangwa a ku san̄ulu.

Myaso 48:1

Shukulu Kalunga ikeye wakama, vanapande kumushangazala manene, mu nganda ya Njambi yetu, a lilundu lyendi lyakujela.

Myaso 86:10

Yove uwakama, co ukalingi vyuma vyakukomokesa omwo yove lika u Njambi.

Myaso 86:8

Kukwesi weka lalo wakulifwa nove akati ka vinjambi yove Shukulu, kukwesi vipangi vyakulifwa nevi vyove.

Myaso 89:6

Shukulu Kalunga naumo wai ali mwilu wakulifwa nove, naumo wai wa vana va vinjambi wakupwa amo nove.

Myaso 89:8

Shukulu Kalunga Njambi Muka-nzili yoshe, iyajo walifwa nove? Yove Shukulu Kalunga mu vyuma vyoshe yove wapwa wa kulongwa.

Myaso 96:4

Shukulu Kalunga wapwa wakama, co vanapande kumushangazala, ikeye lika vanapande kusingimika kuhyana vinjambi voshe.

Kutuuka 10:2

ngeci mukase kukalekako vana veni na vatekulyeni omu munjinapwisa vaka-Ingito vikolokomba omo akulinga vikomokeso akati kavo. Co yeni voshe mukazivuka ngweni kuma yange njapwa Kalunga.”

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 8:10

Mwene wakumbulwile ngwendi, “Imene vene ukanjilombelela.” Mosesa wendekele ngwendi, “Njikalinga ngwe omo yove unalombo, asinoni ukazivuka ngwove kuma kukwesi lalo njambi weka wakulifwa na Shukulu Kalunga Njambi yetu.

Kutuuka 8:6

Ngecivene, Alone wolwele mulamu akamwa ya mema oshe, co mambotwe vatuukile nakushulisa mu lifuti lya Ingito mwoshe.

Kutuuka 9:14

A simbu ino njikatuma mishongo yakukomokesa ali yove, na ali vamyata vove na ali vanu vove, ngeci ukazivuka ngwove kukwesi weka lalo wakufwa ngwe yange muno mu kaye mwoshe.

Isaya 40:18

Iyajo alyeseka na Njambi? Cifwa mukajo mukamusetekesa naco?

Isaya 40:25

Njambi wakujela mwasa kumusetekesa neyajo? Kuma kwali umo wakulifwa nendi ndi?

Isaya 45:18

Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 45:5

“Yange Kalunga, kukwesi njambi weka lalo. Njikakwana nzili ije iwushaka, nameme kuunjizivuka.

Ezekiyele 36:22

“Ngecivene, ololo, leka vaIsalele majwi awa yange Kalunga wa Akamwa ya Vyoshe, njilinawo ali vakevo ngwange, ‘Vije vinjilinga kesi vya ali yeni vaIsalele embwe, oloni omwo lizina lyange lyakujela lije limunazivisa shwamwa mu mafuti oshe kuje kwoshe mwaile.

Ezekiyele 36:32

Isalele, njishaka muzivuke ngeci kunjesi nakulinga vyuma vyoshe evi omwo yeni embwe. Njishaka muzive shwamwa nakushauka a vije mwalingile. Munjinendeka yange Kalunga wa Akamwa ya Vyoshe.”

Ndanyele 2:45

Co wamwene limanya lije lyatendukile kutunda ku munkinda kujeneka umo kulikwata, co likelyo lyavujwile kaje kamponya kakupanga na vutale, na vunengu, na vuma, na siliva, na ngolinde. Njambi uje wakama alinakukunangula yove shukulu vije vikalingiwa kulutwe. Mwa vushunga njinakulumbunwina mwamuvwa njozi yove, co njinakuleke muyinalumbunukila.”

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Kwituluka mu Mashiko 3:24

‘Yove Shukulu Kalunga wa Akamwa ya Vyoshe, njazivuka ngwange yove wanjisholwela lika vushangumukilo vwa nzili na vyuma vyakukomokesa vije viwukalinga. Co kukwesi njambi weka lalo mwilu nambe ano asi uje asa kulinga vyuma vya nzili ngwe viwukalingi!

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

Kwituluka mu Mashiko 4:35

“Shukulu Kalunga washolwele evi kuli yeni ngeci muzivuke ngweni Shukulu Kalunga ikeye Njambi, kukwesi weka lalo wai.

Kwituluka mu Mashiko 4:39

“Ngecivene, anukeni litangwa lya lelo nakulinyunga mu vimbunge vyeni, ngweni Shukulu Kalunga ikeye wapwa Njambi wa mwilu na ano asi. Co kukwesi njambi weka lalo wai.

1 Samwele 2:2

“Kukwesi umo wakujela wakulifwa ngwe Shukulu Kalunga, wai wakulifwa Nendi, kukwesi muka-kunyunga wakulifwa ngwe Njambi yetu.