2 Samwele 7:20 - Livulu lya Shukulu Kalunga

²⁰ Vikajo lalo njendeka kuli yove? Omwo yove unjizivuka, yange ngamba yove.

2 Samwele 7:20 Iomraidhean Croise

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

1 Mizimbu 17:18

Vikajo lalo njasa kwendeka kuli yove! Yove unjizivuka, co yove lalo wanjisingimika, yange ngamba yove.

Myaso 139:1

Unanjiilula yove Shukulu Kalunga, co unanjizivuka.

Yowano 2:25

Omo kashakele munu umo amuleke vukaleo vwa vanu, omwo wazivukile vije vyakele mu vimbunge vyavo.

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Yoshwa 5:14

Co uje munalume wamukumbulwile ngwendi, “Embwe, noku kunjawila kwai. Yange njinapu umo muka-kushika nzita ya Shukulu Kalunga.” Yoshwa wakulamene asi nakulemesa, co wendekele ngwendi, “Shukulu, yange ngamba yove. Vika ushaka ngeci njivilinge?”

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”