2 Samwele 7:18 - Livulu lya Shukulu Kalunga

¹⁸ Asinoni Mwene Ndaviti wakovelele mu Mbalaka Mwakuliwanena, watumbamene asi, co walombelele ngwendi, “Yange iyajo Shukulu Kalunga wa Akamwa ya Vyoshe, na naanga yange ikeyo ikajo, ngeci unjilingile vyoshe evi?

2 Samwele 7:18 Iomraidhean Croise

Kushangumuka 32:10

Kucanjipandelemo kutetela kwangacije na vuvwa vwove vuunasholola kuli yange ngamba yove, co nacimo cai njajavukile naco Yondau kuvanga mulamu lika, co ololo kenga, njineluka na vimbunga evi vivali!

Kushangumuka 32:11

Njakulombo, njamene kuli ndolome yange Isau. Njili na lyova ali ndolome yange kutewa omo aija akutunyongesa yetu voshe na vanakazi, na vanike.

2 Samwele 23:5

Omu mukemwo mwakavezikisila Njambi vatekulwila vange, omwo nalikumiiya nange cikumiiyo kucesi kuhwa, na lizivasano lije kulyesi kuhwa, na cikulaeso cije kucesi kutenguluka. Evi vyoshe vikevyo vinjishaka, kuje kukekwo kukapwa kuhyana kwange, mwa vushunga Njambi akavisholola.

2 Samwele 7:17

Ngecivene, Natane walekele Ndaviti vyuma vyoshe vije Njambi wavijombolwele kuli ikeye.

1 Mizimbu 17:16

Asinoni Mwene Ndaviti wakovelele mu Mbalaka Mwakuliwanena, watumbamene asi, co walombelele ngwendi, “Yange iyajo Shukulu Kalunga Njambi, na naanga yange ikeyo ikajo, ngeci unjilingile vyoshe evi?

1 Mizimbu 29:14

“Nameme yange na vanu vange, kutwasa kukwana cuma cimo, omwo vyuma vyoshe vyapwa vwana vwakutunda kuli yove, co yetu tunakwilwisila lika vije vyapwa laja vyove.

Myaso 8:4

mwa vushunga munu kesi na seo ngeci yove umunyunge.

Kutuuka 3:11

Oloni Mosesa wendekele kuli Njambi ngwendi, “Yange iyajo ngeci njiye kuli mwene nakukatundisa vaIsalele mu Ingito?”

Isaya 37:14

Mwene Hezekiya watambwile uje mukanda kuli vaje miluwa, co waulavele. Asinoni waile ku Njuvo ya Shukulu Kalunga, co waakele uje mukanda ku mesho a Shukulu Kalunga,

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Maako 6:15

Ngilyone wamukumbulwile ngwendi, “Vatijo njasa kwamena vaIsalele? Kuma cikota cange cikeco cakuzeya manene ku muyati wa Manase, co yange njiwamundondo mu naanga yange.”

Lute 2:10

Lute watsikamene a mavuli. Co wendekele kuli Mbowasi ngwendi, “Omwo vikajo unaaka mbunge ali yange yakunjikongweya? Omwo vikajo uli na ngozi ya ngacije ali muka-kwija?”

1 Samwele 15:17

Samwele wamulekele ngwendi, “Nameme waliyongola ngwove kuwesi na seo, oloni unapu u ntwama ya miyati ya Isalele. Shukulu Kalunga wakuvwavesele kupwa mwene ya Isalele,

1 Samwele 18:18

Ndaviti wamukumbulwile ngwendi, “Yange iyajo, co lalo naanga ya tate yapwa ikajo mu Isalele, ngeci njipwe ishemweno ya mwene?”

1 Samwele 9:21

Co Saulu wakumbulwile ngwendi, “Yange njakundama ku muyati wa Mbenjemani, muyati waundondo manene mu Isalele, co naanga yange ikeyo yaindondo manene mu muyati. Ngecivene, omwo vikajo wendeka kuli yange ngacije?”