2 Samwele 7:15 - Livulu lya Shukulu Kalunga

¹⁵ Oloni kunjikatundisa livoko lyange kuli ikeye ngwe munjalingile kuli Saulu, uje injatundisile ngeci yove upwe mwene.

2 Samwele 7:15 Iomraidhean Croise

2 Samwele 7:14

Co yange njikapwa nji ishe, na ikeye lalo akapwa munange. Omo akalinga mwamuvi, co njikamunyanyamesa ngwe ishe ya munu mwakanyanyamesa munendi.

2 Samwele 7:16

Simbu yoshe ukakala na vatekulwila, co vumwene vwove vukakala simbu yoshe. Co simbu yoshe litanda lyove likakola ngo!’ ”

1 Vimyene 11:13

Kunjikatundisa vumwene vwoshe kuli ikeye embwe, oloni njikamusezela muyati umo omwo a lizina lya ngamba yange Ndaviti na a lizina lya Yelusalema, nganda ije injalyangwilile.”

Myaso 89:28

Cizemo cange cije kucesi kutenguluka cikakala nendi ku myaka yoshe, cikumiiyo cange cikapwa cakukola kuli ikeye.

Myaso 89:31

nga vayengula vizilika vyange, nakujeneka kunyunga mashiko ange,

Myaso 89:33

Oloni cizemo cange cije kucesi kutenguluka kucikatundu ali Ndaviti, nambe kwonwa kunyunga cikumiiyo cange kuli ikeye.

Myaso 89:34

Kunjikapokola cikumiiyo cange kuli ikeye embwe, nambe kutengulula vije vinjinendeka.

Myaso 89:49

Shukulu Kalunga cilikulijo cizemo cove cije kucesi kutenguluka? Cilikulijo cikulaeso cije walisingile na Ndaviti?

Isaya 37:35

Njikamena nganda eyi nakuyinyunga, omwo a lizina lyange, na omwo a cikulaeso njalingile kuli ngamba yange Ndaviti.’ ”

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 15:26

Co Samwele wamukumbulwile ngwendi, “Kunjiiluka amo nove, omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 15:28

Samwele walekele Saulu ngwendi, “Ku litangwa lya lelo Shukulu Kalunga natundisa vumwene vwa Isalele kuli yove, co navwana kuli mukweni weka nakutuvakana.

1 Samwele 16:14

Co Munzinzime wa Shukulu Kalunga watundile muli Saulu, ngecivene, Shukulu Kalunga watumine munzinzime wauvi, co wamuyandesele.

1 Samwele 19:24

Co washulwile vuzalo vwendi wakinine nakwambulula vuka-kwimanena ku mesho a Samwele, co wakele ngacije vene mushelengwa litangwa lyoshe lije, na vutsiki vwoshe vuje. (Omu mukemwo yashangumukilile n̄anda yakwendeka ngwavo, “Kuma na Saulu napu muka-kwimanena ndi?”)