2 Samwele 7:14 - Livulu lya Shukulu Kalunga

¹⁴ Co yange njikapwa nji ishe, na ikeye lalo akapwa munange. Omo akalinga mwamuvi, co njikamunyanyamesa ngwe ishe ya munu mwakanyanyamesa munendi.

2 Samwele 7:14 Iomraidhean Croise

1 Vimyene 11:34

Oloni kunjikatundisa vumwene vwoshe kuli Solomoni embwe, njikamutava ngeci ashwane lifuti omo acili nakuyoya. Njikalinga eci omwo ali ngamba yange Ndaviti, uje njaangwile, uje wononokele mashiko ange na vizilika vyange.

1 Vimyene 9:6

Oloni nga yove nambe vatekulwila vove mukalikela kunjikava, kwononoka mashiko ange na vizilika vyange evi njinamyana, co mukalemesa vinjambi veka,

1 Mizimbu 17:13

Co yange njikapwa nji ishe, na ikeye lalo akapwa munange. Co kunjikatundisa livoko lyange kuli ikeye ngwe munjalingile kuli Saulu, uje injatundisile ngeci yove upwe u mwene.

1 Mizimbu 22:10

Ikeye akanjitungila Njuvo. Akapwa munange, co nange njikapwa nji ishe. Co mutekulyendi umo akashwana mu Isalele myaka yoshe!’ ”

1 Mizimbu 28:6

“Shukulu Kalunga wendekele kuli yange ngwendi, ‘Munove Solomoni ikeye akanjitungila Njuvo. Njinamwangula kupwa munange, co yange njikapwa nji ishe.

Yombi 5:17

Kenga, navezika munu uje Njambi amulongesa! Ngecivene, kesi uyeluwise kulongesa kwa Njambi.

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

1 Kolinte 11:32

Oloni Mwene alinakutuhisa nakutunyanyamesa, ngeci kesi vakatuhise amo na vaka-kaye.

2 Kolinte 6:18

Njikapwa nji ishweni, co yeni mukapwa vana vange va vanalume na ava va vanakazi, mwanendeka Shukulu Kalunga Muka-nzili yoshe.”

Kwituluka mu Mashiko 8:5

Zivukeni mu vimbunge vyeni ngweni ngwe cisemi anyanyamesa vana vendi, mukemwo vene mwaminyanyamesa Shukulu Kalunga Njambi yeni.

VaHevelu 1:5

Omwo Njambi kendekele kuli umo wa tungelo twendi ngwendi, “Yove unapu u Munange, litangwa lya lelo njinakukiti.” Naimo simbu yai Njambi nendeka kuli kangelo umo ngwendi, “Yange njikapwa nji Ishe, co ikeye akapwa Munange.”

Kujombolola 21:7

Woshe uje ahyana akashwana vyuma evi, njikapwa Njambi yendi, co ikeye akapwa munange.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.